HUBAZiK padčas brutalnaha zatrymańnia raźbiŭ hałavu mužčynu, jakoha ŭžo katavali ŭ žniŭni 2020-ha
Siońnia łukašenkaŭcy pachvalilisia čarhovym aryštam. Na videa ŭ mužčyny pieraviazanaja hałava i raśsiečany padbarodak.
Siońnia ŭ Minsku zatrymali 40-hadovaha Alaksandra Hurnika. Jon naradziŭsia ŭ Estonii, ale ŭ 12 hadoŭ ź siamjoj jany pierajechali ŭ Biełaruś. Pa adukacyi mužčyna doktar-vieterynar, ale pracavaŭ ryełtaram.
Taksama jon mieŭ nievialiki błoh (na paru dziasiatkaŭ i sotniaŭ padpisantaŭ u zaležnaści ad sacsietki) i ahitavaŭ ludziej vyviešvać u voknach prydumany im simvał — Cichanoŭskaja na kani ŭ vyhladzie Pahoni. Jon nazvaŭ heta #biełaruśvoknie.
Alaksandr maje syna. Miarkujučy pa sacsietkach, jon vielmi aktyŭny i pazityŭny čałaviek, lubić katacca na rovary i padarožničać. Taksama mužčyna ŭdzielničaŭ u pratestach i adkryta publikavaŭ heta ŭ sacyjalnych sietkach, na jakija pieryjadyčna nabiahali atrady «jabaciek», jakija žadali jamu ŭsich mahčymych pakarańniaŭ.
Na videa łukašenkaŭcaŭ vidać, što ŭ mužčyny raźbitaja hałava. Siłaviki apraŭdvajuć brutalnaje zatrymańnie tym, što jon ci nie chacieŭ adčyniać dźviery, ci to nie pačuŭ, jak jany hrukalisia. Jany nazyvajuć razhrom kvatery (jany ŭleźli i praz vokny) i źbićcio čałavieka «starannym pravietryvańniem».
Fota: siłaviki
Alaksandra ŭžo źbivali da hetaha — jon trapiŭ pad chvalu katavańniaŭ na Akreścina padčas žnivieńskich pratestaŭ. Zhodna z apublikavanym na jahonaj staroncy miedycynskim zaklučeńniem, jaho žorstka źbili padčas zatrymańnia na vychadzie z doma 12 žniŭnia i na Akreścina, na jahonym ciele było 47 hiematom.
Mužyna padaŭ zajavu ŭ SK z patrabavańniem pravieści pravierku pa fakcie jahonaha źbićcia. U zaviadzieńni kryminalnaj spravy, viadoma, admovili.
Siłaviki śćviardžajuć, što suprać jaho zaviedzienaja kryminalnaja sprava — za zakliki da pratestaŭ, udzieł u ich i niejkija abrazy, dokazaŭ jakich jany nie pradstavili.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary