Na samicie G20 ministry zamiežnych spraŭ bajkatujuć Łaŭrova. Jon daterminova pakinie samit
Ministry zamiežnych spraŭ krain G20 na samicie ŭ Indaniezii admovilisia rabić tradycyjnuju hrupavuju fatahrafiju, paviedamlaje japonskaje ahienctva Kyodo. Adznačajecca, što takim čynam dziaržsakratar ZŠA Entani Blinkien i inšyja zachodnija dypłamaty sprabavali paźbiehnuć supolnaha zdymka z kiraŭnikom MZS Rasii Siarhiejem Łaŭrovym.
Łaŭroŭ prakamientavaŭ paviedamleńni ab admienie tradycyjnaj hrupavoj fatahrafii na sustrečy ministraŭ zamiežnych spraŭ krain G20: «Ja nikoha nie zaprašaŭ fatahrafavacca i naohuł nie zaprašaŭ nikoha nikudy. Mianie zaprasiła Indaniezija».
7 lipienia pradstaŭniki krain z G7 admovilisia ŭdzielničać u vitalnaj viačery praz prysutnaść Łaŭrova. Na što aficyjny pradstaŭnik MZS RF Maryja Zacharava skazała, što Łaŭroŭ «adsutnaści tych, chto bajkatuje, nie zaŭvažyŭ».
Jak adznačaje Reuters, kali Siarhiej Łaŭroŭ padčas vizitu na Bali fatahrafavaŭsia razam ź ministram zamiežnych spraŭ Indaniezii, u zale pačulisia kryki «Kali vy spynicie vajnu?».
Paźniej źjaviłasia paviedamleńnie, što Łaŭroŭ daterminova pakinie samit G20 u Indaniezii. Jon nie prymie ŭdzieł u aficyjnym abiedzie i ŭ viačerniaj siesii samitu.
Indaniezija taksama zaprasiła na samit G20 u listapadzie prezidenta Rasii Uładzimira Pucina.
Kamientary