Biełarusy — čempijony śvietu pa kolkaści terarystaŭ, zhodna z KDB. Pahladzieli, za što tudy zapisvajuć
Ciapier u śpisie ludziej, datyčnych da terarystyčnaj dziejnaści, jaki składaje KDB, 137 biełarusaŭ. Afhancaŭ tam, da prykładu, 129 čałaviek, a irakcaŭ — 84. My pahladzieli, pa jakich spravach prachodziać biełarusy-«terarysty».
Adzinaje, što abjadnoŭvaje biełarusaŭ u śpisie KDB, — usie jany ŭniesienyja tudy pa pratesnych spravach. Bolšaść ź ich užo pryznanyja palitviaźniami.
Inšaziemcy ž uniesienyja pa śpisach AAN. To-bok, heta ludzi, jakija mižnarodnaj supolnaściu adnahałosna pryznanyja terarystami — kiraŭniki terarystyčnych arhanizacyjaŭ kštałtu IDIŁ ci Al-Kaidy, arhanizatary masavaha zabojstva ludziej ci hienacydu, raspracoŭščyki zbroi masavaha paražeńnia.
Najbolšaja hrupa biełarusaŭ, uniesienych u «terarysty» (50 čałaviek), — hety tyja, kaho abvinavačvajuć u spryjańni terarystyčnym aktam ci ździajśnieńni takich aktaŭ (artykuł 289 KK). U hety šerah ŭvachodziać bajpołaŭcy, vosiem fihurantaŭ «spravy Aŭtuchoviča», Śviatłana Cichanoŭskaja, Anton Matolka, Ihar Makar, Pavieł Łatuška, Volha Karač, Alaksandr Zajcaŭ, fihuranty spravaŭ Atradaŭ hramadzianskaj samaabarony, anarchisty z «hrupy Alinieviča» i rejkavyja partyzany.
Dalej iduć kamientatary (artykuł 130 KK), jakich užo 43 čałavieki. Siudy ŭklučany, da prykładu, chirurh Andrej Lubiecki.
Šasnaccaci inkryminavany ŭdzieł u masavych biesparadkach abo ich arhanizacyja. Tut jość jak šarahovyja ŭdzielniki pratestaŭ, tak i Ściapan Puciła razam z Ramanam Pratasievičam, jaki niadaŭna čarhovy raz ažaniŭsia.
Dziesiaci adnačasova inkryminujecca raspalvańnie varažniečy i spryjańnie masavym biesparadkam. Siudy ŭvachodziać Ihar Łosik, Siarhiej Cichanoŭski i administratar čata «Kraina dla žyćcia Połack Navapołack» Anatol Maculevič.
Asabniakom stajać fihuranty spravy «Busły Laciać» i arhanizatary ruchu «Supraciŭ» (Ščyhielski, Kułaženka, Šamietaviec) — dzieviać čałaviek vinavaciać va ŭdziele ŭ arhanizacyi, datyčnaj da terarystyčnaj dziejnaści. Niadaŭna «NN» publikavała intervju ź fihurantam spravy «Busły Laciać», jaki zastaŭsia na voli.
Piaciarych biełarusaŭ pryznali vinavatymi ŭ zaklikach da škody nacyjanalnaj bieśpiecy. Siarod ich studentka z Kirava Danuta Pieradnia, Maryja Kaleśnikava dy Maksim Znak.
U śpisie KDB taksama ŭdzielnik pastanovačnaha zamachu na Azaronka i Volha Majorava ź Viktaram Śniehuram, fihuranty spravy Aŭtuchoviča, jakich abvinavačvajuć u niezakonnych dziejańniach z ahniastrelnaj zbrojaj dziela ździajśnieńnia złačynstvaŭ.
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład5
Kamientary
hostierror nasielenija, tierroristom niezakonno zachvativšim vłasť v Biełarusi.
Druhim sposobom on nie možiet udierživať vłasť, tolko s pomoŝju tierrora i rieprieśsii nasielenija, da nachodiaś v uzakoniennom riežimie nie do zakona.
Biełorusy dožny poniať i KHB v tom čiśle, čto etot riežim ustanovlen do śmierti
etoho čiełovieka, a značit, do jeho śmierti nie budiet normalnoj žiźni v etoj stranie i normalnoho raźvitija etoj strany.