Kroŭ na pratakole i 25 sutak pa dvuch artykułach. Čarhovy prysud u Ivanavie
U rajcentry Ivanava 13 lipienia adbyvalisia masavyja zatrymańni. Ich pravioŭ staličny HUBAZiK vyjaznym rejdam. Užo dva dni iduć sudy.
Andreju Dražynu dali 25 sutak aryštu. Mužčynu sudzili adrazu pa dvuch «narodnych» artykułach — za pikietavańnie i niepadparadkavańnie. Sud prachodziŭ u zakrytym režymie.
Pad pikietavańniem mieŭsia na ŭvazie namalavany na haražnaj bramie hierb Pahonia, jaki jašče ŭ 2007 hodzie byŭ uklučany ŭ Dziaržaŭny śpis historyka-kulturnych kaštoŭnaściaŭ.
Brama z hierbam była niabačnaja jak z darohi, tak i z boku susiedziaŭ. Pahonia tam mieściłasia ŭžo kala 10 hadoŭ. Ale siłaviki zaŭvažyli jaje tolki padčas pazaŭčorašniaha pieratrusu.
Padčas zatrymańnia siłaviki pakłali Andreja Dražyna na padłohu i nadzieli kajdanki. Mužčynu padrapali nos — paškodžańni vidać na «pakajalnym» videa. Aproč hetaha u Andreja źjavilisia siniaki na rukach i nahach. Praz raźbity nos było šmat kryvi. Kažuć, što kroŭ była navat na pratakołach.
Častku inšych zatrymanych sudzili jašče ŭčora. Ale na niekatorych skłali pa niekalki pratakołaŭ. Tak, žycharku rajcentra Marynu Kijaviec, jakoj užo dali 29 bazavych štrafu za «raspaŭsiud ekstremisckich materyjałaŭ», nie adpuścili ź izalatara — buduć sudzić jašče pa dvuch pratakołach.
«Dzieviać čałaviek zatrymali, a sabaku zastrelili». Što adbyłosia ŭčora ŭ Ivanavie na Brestčynie?
Ličby, ad jakich strašna. Bolš za 280 tysiač biełarusaŭ atrymali pieršyja dazvoły na žyćcio ŭ ES u 2023. Bolš tolki va ŭkraincaŭ31
Kamientary