Turbina Siemens, jakaja stała padstavaj dla skaračeńnia pastavak hazu, adpraŭlenaja z Kanady ŭ Niamieččynu
Turbina Siemens dla kampresarnaj stancyi «Partovaja» hazapravoda «Paŭnočny patok» adpraŭlenaja z ramontnaha pradpryjemstva ŭ Kanadzie samalotam u Niamieččynu i prybudzie ŭ Rasiju 24 lipienia, paviedamlaje «Kommiersant».
Dalej turbina budzie transpartavacca na paromie i pa sušy praz Chielsinki ŭ Rasiju (kampresarnaja stancyja raźmieščanaja kala pasiołka Tarfianaŭka ŭ Leninhradskaj vobłaści). Abstalavańnie, jak čakajecca, prybudzie ŭ Rasiju aryjencirovačna 24 lipienia.
Turbina zatrymałasia ŭ Kanadzie z-za sankcyj. «Hazpram» vykarystaŭ heta jak nahodu rezka skaracić pastaŭki hazu ŭ Jeŭropu. Jeŭrapiejskija ŭłady adnak nie ličać heta pierakanaŭčaj padstavaj dla skaračeńnia pastavak pa trubapravodzie «Paŭnočny patok» da 40% ad naminalnaj mahutnaści.
Paśla pieramovaŭ ź niamieckimi ŭładami Kanada pahadziłasia addać turbinu Niamieččynie, adkul, jak płanavałasia, turbina pavinna viarnucca ŭ Rasiju, niahledziačy na svaje sankcyi.
Taki chod padziej vyklikaŭ rezkuju reakcyju Ukrainy. Tam miarkujuć, što kanadcy nie pavinny byli parušać svaju sankcyjnuju palityku.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary