Турбіна Siemens, якая стала падставай для скарачэння паставак газу, адпраўленая з Канады ў Нямеччыну
Турбіна Siemens для кампрэсарнай станцыі «Партовая» газаправода «Паўночны паток» адпраўленая з рамонтнага прадпрыемства ў Канадзе самалётам у Нямеччыну і прыбудзе ў Расію 24 ліпеня, паведамляе «Коммерсант».
Далей турбіна будзе транспартавацца на пароме і па сушы праз Хельсінкі ў Расію (кампрэсарная станцыя размешчаная каля пасёлка Тарфянаўка ў Ленінградскай вобласці). Абсталяванне, як чакаецца, прыбудзе ў Расію арыенціровачна 24 ліпеня.
Турбіна затрымалася ў Канадзе з-за санкцый. «Газпрам» выкарыстаў гэта як нагоду рэзка скараціць пастаўкі газу ў Еўропу. Еўрапейскія ўлады аднак не лічаць гэта пераканаўчай падставай для скарачэння паставак па трубаправодзе «Паўночны паток» да 40% ад намінальнай магутнасці.
Пасля перамоваў з нямецкімі ўладамі Канада пагадзілася аддаць турбіну Нямеччыне, адкуль, як планавалася, турбіна павінна вярнуцца ў Расію, нягледзячы на свае санкцыі.
Такі ход падзей выклікаў рэзкую рэакцыю Украіны. Там мяркуюць, што канадцы не павінны былі парушаць сваю санкцыйную палітыку.
Каментары