Hienieralny sakratar AAN: Anieksija Danieckaj, Łuhanskaj, Zaparožskaj, Chiersonskaj abłaściej niezakonnaja i nie budzie mieć jurydyčnaj siły
Hienieralny sakratar AAN Antoniu Huteryš zajaviŭ, što ŭvachodžańnie Danieckaj i Łuhanskaj «narodnych respublik», Chiersonskaj i Zaparožskaj abłaściej u skład Rasii nie budzie mieć jurydyčnaj siły, pieradaje TASS.
«Luboje rašeńnie ab [dałučeńni] Daniecka, Łuhanska, Chiersonskaj i Zaparožskaj abłaściej nie budzie mieć jurydyčnaj siły i zasłuhoŭvaje asudžeńnia», — skazaŭ Huteryš.
«Statut AAN jasny, — skazaŭ Huteryš. — Lubaja anieksija terytoryi dziaržavy inšaj dziaržavaj u vyniku pahrozy siłaj abo prymianieńnia siły źjaŭlajecca parušeńniem pryncypaŭ Statuta AAN i mižnarodnaha prava. Hienieralnaja Asambleja AAN taksama vyrazna vykazvałasia na hety kont».
Hienieralny sakratar AAN taksama adznačyŭ, što Rasijskaja Fiederacyja ŭ jakaści adnaho z pastajannych členaŭ Savieta biaśpieki AAN niasie asablivuju adkaznaść za vykanańnie Statuta. «Heta nielha ŭzhadnić ź mižnarodnym pravam. Heta supiarečyć usiamu, za što vystupaje mižnarodnaja supolnaść. Heta hrebuje ŭsimi pryncypami i metami Abjadnanych Nacyj. Heta niebiaśpiečnaja eskałacyja. Hetamu niama miesca ŭ sučasnym śviecie. Heta nie pavinna być pryniata», — skazaŭ jon.
Huteryš padkreśliŭ, što pazicyja AAN pa tak zvanych refierendumach adnaznačnaja. «My całkam addanyja suvierenitetu, adzinstvu, niezaležnaści i terytaryjalnaj cełasnaści Ukrainy ŭ ramkach jaje mižnarodna pryznanych miež i ŭ adpaviednaści z rezalucyjami AAN. Ja chaču padkreślić, što tak zvanyja refierendumy ŭ akupavanych rehijonach byli praviedzienyja va ŭmovach uzbrojenaha kanfliktu, jaki praciahvajecca, na terytoryjach pad rasijskaj akupacyjaj i pa-za ramkami ŭkrainskaha pravavoha i kanstytucyjnaha pola. Ich nielha nazvać sapraŭdnym vyražeńniem narodnaj voli», — skazaŭ Hienieralny sakratar AAN.
Miarkujecca, što Kreml siońnia praviadzie cyrymoniju anieksii ŭkrainskich terytoryj.
-
ZŠA rassakrecili dakład ab palityčnych zabojstvach i zamachach, jakija adbyvalisia na zahad Pucina
-
Ispanija mocna aštrafavała biudžetnyja avijakampanii za patrabavańni dapłačvać za ručnuju pakłažu i vybar miesca
-
Rasijski błohier syhraŭ u S.T.A.L.K.E.R.2 i vyrazaŭ litaru Z na zabitym piersanažy. Jon žyvie ŭ ZŠA
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža4
Kamientary