Stała viadoma, kolki biełarusaŭ majuć vizy krain ES i jak časta jeździać za miažu
U jakich krainach byvali biełarusy i što jany dumajuć pra Zachad i Rasiju? Dzie b chacieli žyć, pracavać, i čamu? Jak biełarusy aceńvajuć upłyŭ «zachodniaha ładu žyćcia» i ruskaj kultury? Novaje daśledavańnie apublikavaŭ Chatham House.
Jak pravodziłasia apytańnie
Chatham House apytaŭ 741 respandenta z 15 pa 31 žniŭnia 2022 hoda. Jak i ŭ minuły raz, u vybarku trapiła tolki haradskoje nasielnictva. Apytańnie było praviedzienaje z dapamohaj internet-intervju (CAWI), to-bok vybarka była abmiežavanaja karystalnikami internetu, a značyć, ekanamična i sacyjalna bolš aktyŭnymi ludźmi.
Ź inšaha boku, daśledčyki pryznajuć, što praź situacyju ŭ Biełarusi respandenty mahli nie być dastatkova ščyrymi, što taksama mieła ŭpłyŭ na vyniki.
Svajaki ŭ inšych krainach
Bolš za pałovu biełarusaŭ majuć rodnych za miažoj. Amal u 70% — heta Rasija.
Vizy krain Jeŭrapiejskaha sajuza
Tolki 5% biełarusaŭ majuć vizu jakoj-niebudź krainy ES. Takija vyniki — siarod haradskoha nasielnictva, jakoje karystajecca internetam. To-bok realnyja ličby buduć jašče mienšyja. 17% apytanych dumajuć adkryć vizu ŭ jakuju-niebudź krainu ES.
Naviedvańnie roznych krain za apošnija 5 hadoŭ
Amal pałova apytanych biełarusaŭ za apošnija 5 hadoŭ była ŭ Rasii, čverć — va Ukrainie, 15% byli ŭ Polščy, 11% — u Litvie. Nie vyjazdžała z krainy ŭ apošnija hady bolš čym tracina apytanych. Daśledčyki dadajuć, što tyja, chto padtrymlivaje dziejny režym, byvali dzie-niebudź značna radziej, čym ich apanienty.
Žyćcio i praca na Zachadzie abo ŭ Rasii
Amal 40% chacieli b žyć i pracavać na Zachadzie, tracina — u Rasii. Tyja, chto vybiraje Zachad, źviazvajuć heta z žadańniem pavysić uzrovień žyćcia i adčuvać siabie svabodnymi. Prychilniki Rasii havorać pra chutkuju asimilacyju (mientalitet, ahulnaja mova), a taksama pra pačućcio prychilnaści.
Samaidentyfikacyja z zachodniaj kulturaj i ŭsprymańnie zachodniaha ładu žyćcia
Biełarusy pazityŭna staviacca da zachodniaj kultury (navat tyja, chto nie byŭ za zachodniaj miažoj).
Ale siabie da jaje zvyčajna nie adnosiać. Pry hetym, tyja biełarusy, jakija byvali ŭ krainach ES, čaściej adnosiać siabie da zachodniaj kultury i radziej staviacca da jaje niehatyŭna.
Upłyŭ zachodniaj i rasijskaj kultury
Biełarusy ličać, što susiednija kultury majuć upłyŭ na ich ład dumak i žyćcia. Rasijskuju kulturu schilnyja ličyć bolš upłyvovaj u Biełarusi pa paraŭnańni z zachodniaj. Staŭleńnie da pracy — pytańnie, na jakoje, pa mierkavańni apytanych, najmienš maje ŭpłyŭ i zachodniaja i rasijskaja kultura.
Charaktar upłyvu zachodniaj i rasijskaj kultury
Biełarusy čaściej aceńvajuć pazityŭna ŭpłyŭ zachodniaj kultury na pravavuju śviadomaść, staŭleńnie da viedaŭ i husty, a rasijskaj — na adnosiny pamiž ludźmi.
Bolš padrabiazna z vynikami apytańnia možna aznajomicca tut.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary