Hałoŭnaja zadača škoły — vyznačyć talenavitych dziaciej i prasoŭvać ich na prafiesijnuju scenu,
Pavodle słoŭ śpiavački, takaja ideja ŭźnikła padčas hastrolaŭ pa krainie. «Mnohija baćki padychodzili da mianie paśla kancerta i vielmi prasili pazajmacca ź ich dziciem, — havoryć Žaniet.
— Takoje ž niaredka zdarałasia i ŭ Minsku. Paśla čaho ja ćviorda vyrašyła adkryć škołu najpierš u stalicy, a zatym i ŭ abłasnych haradach».
Prasłuchoŭvańnie dziaciej dla pieršaha naboru projdzie z 1 pa 5 kastryčnika. Mahčyma, na im budzie prysutničać Žaniet, kali znojdzie «akienca» ŭ ščylnym hastrolnym hrafiku.
Zaniatki raźličany na dziaciej uzrostam ad 3 da 14 hadoŭ i buduć pravodzicca ŭ staličnaj siaredniaj škole №145.[vuł. Alibiehava, 5]
Navučańnie ŭklučaje vakał, chareahrafiju, pastanoŭku hołasu, stylistyku, akciorskaje majsterstva i sceničnaje maŭleńnie. Košt urokaŭ składzie prykładna 140 tys. rubloŭ u miesiac.
Jak paviedamiŭ pradziusier śpiavački Hienadź Mielnikaŭ, hałoŭnaja zadača škoły —
vyznačyć talenavitych dziaciej i prasoŭvać ich na prafiesijnuju scenu, rychtavać da ŭdziełu ŭ respublikanskich i mižnarodnych konkursach,uklučajučy «Słavianski bazar», dziciačuju «Novuju chvalu» i dziciačaje «Jeŭrabačańnie».
U stvareńni škoły ŭ Žaniet i jaje kamandy niama ni pamočnikaŭ, ni finansistaŭ — jany ŭsio robiać samastojna.
«Žaniet niadaŭna pačała vykładać vakał u Instytucie sučasnych viedaŭ, tak što vopyt u jaje ŭžo jość, dyj kamanda pracuje ŭžo bolš jak 10 hadoŭ», — zajaviŭ pradziusier śpiavački.
Pavodle jaho słoŭ, adkryćcio škoły płanujecca ŭ kancy kastryčnika. U hety dzień vučniaŭ čakaje kancert z udziełam Žaniet i inšych zorak biełaruskaj estrady, jakija buduć davać u škole majstar‑kłasy.
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary