Supracoŭniki HUBAZiKa ŭ Minsku ranicaj 27 vieraśnia zatrymali Anastasiju Kizim. Baćkam dziaŭčyny paviedamili, što ŭ jaje «prablemy z zakonam».
Razam ź joj va ŭpraŭleńnie pajechaŭ i jaje baćka Siarhiej. Z taho času i jon pierastaŭ vychodzić na suviaź. Taksama tady była zatrymana i maci dziaŭčyny — Alena. Ci znachodziacca jany ciapier pad vartaj — nieviadoma, paviedamlajuć pravaabaroncy.
Anastasiju i baćkoŭ abvinavačvajuć u «aktyŭnym ŭdziele ŭ hrupavych dziejańniach, jakija hruba parušajuć hramadski paradak» (art. 342 KK).
Stała viadoma, što 27 śniežnia ŭ sudzie Savieckaha rajona Minska raspačniecca sud nad Anastasijaj. Sudździa — Volha Jemialjančanka. Užo na nastupny dzień, 28 śniežnia, pačniecca sud i nad jaje baćkami. Ich spravu budzie razhladać sudździa Zavodskaha rajona Anastasija Asipčyk.
Padtrymać Anastasiju: SIZA-1. 220030, h. Minsk, vuł. Vaładarskaha, 2, Anastasija Siarhiejeŭna Kizim
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary