Супрацоўнікі ГУБАЗіКа ў Мінску раніцай 27 верасня затрымалі Анастасію Кізім. Бацькам дзяўчыны паведамілі, што ў яе «праблемы з законам».
Разам з ёй ва ўпраўленне паехаў і яе бацька Сяргей. З таго часу і ён перастаў выходзіць на сувязь. Таксама тады была затрымана і маці дзяўчыны — Алена. Ці знаходзяцца яны цяпер пад вартай — невядома, паведамляюць праваабаронцы.
Анастасію і бацькоў абвінавачваюць у «актыўным ўдзеле ў групавых дзеяннях, якія груба парушаюць грамадскі парадак» (арт. 342 КК).
Стала вядома, што 27 снежня ў судзе Савецкага раёна Мінска распачнецца суд над Анастасіяй. Суддзя — Вольга Емяльянчанка. Ужо на наступны дзень, 28 снежня, пачнецца суд і над яе бацькамі. Іх справу будзе разглядаць суддзя Заводскага раёна Анастасія Асіпчык.
Падтрымаць Анастасію: СІЗА-1. 220030, г. Мінск, вул. Валадарскага, 2, Анастасія Сяргееўна Кізім
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары