Sudovy praces pa spravie Juryja Čyža i Uładzimira Japryncava zakryli
Pra heta paprasiŭ dziaržabvinavaŭca, matyvavaŭšy tym, što ŭ pastanovie ab pryciahnieńni Čyža ŭ jakaści abvinavačanaha i materyjałach spravy majecca infarmacyja dla słužbovaha karystańnia, jakaja nie moža być razhałošanaja, piša «Narodnaja vola».
Juryj Čyž i Uładzimir Japryncaŭ nie vykazali pratestu z nahody chadajnictva prakurora, pakinuŭšy hetaje pytańnie na mierkavańnie suda.
Valeryj Jeśman pryniaŭ rašeńnie pravieści raźbiralnictva pavodle hučnaj kryminalnaj spravy ŭ zakrytym sudovym pasiadžeńni.
Juryj Čyž padjechaŭ da suda amal za 40 chvilin da pačatku pracesu. Pierad pačatkam suda jon žartavaŭ z advakatami i tymi, chto pryjšoŭ jaho padtrymać. Jon niadrenna vyhladaŭ, uśmichaŭsia i byŭ vidavočna ŭ dobrym humory.
Kali Juryj Čyž u pačatku vieraśnia minułaha hoda vyjšaŭ na volu, prajšła čutka, što jamu źmianili mieru strymańnia na chatni aryšt. Ale heta niapraŭda, jak vyśvietliła «Narodnaja Vola», biznesoviec znachodzicca pad padpiskaj ab niavyjeździe i naležnych pavodzinach. Pa niekatorych inkryminavanych artykułach jon atrymaŭ pamiłavańnie.
Niekatoryja kažuć: maŭlaŭ, kali Čyž znachodzicca na voli, moža, treba było skarystacca mahčymaściu i źjechać z krainy kudy dalej?
«A navošta? — adkazvaje pytańniem na pytańnie viadomy biznesoviec. — U mianie było šmat mahčymaściaŭ źjechać, ale… nie baču pryčyn kudyści biehčy».
Były partnior Čyža pa biznesie Uładzimir Japryncaŭ u sud pryjšoŭ litaralna za 10 chvilin da pačatku pasiadžeńnia. Byłyja siabry znachodzilisia ŭ roznych kancach kalidora suda, razmaŭlajučy sa svaimi advakatami. Adzin z adnym jany navat nie vitalisia.
Padtrymać Uładzimira Hienadźjeviča pryjšoŭ jaho siabar, davoli miedyjnaja asoba, biznesmen Mikałaj Čukisaŭ. Praŭda, u zału pasiadžeńnia jon nie zachodziŭ, tamu što prachodzić pa hetaj spravie śviedkam.
I Uładzimir Japryncaŭ, i Juryj Čyž pryvodziać arhumienty i davoli pierakanaŭča kažuć: «Praŭda na maim baku».
Chto ź ich maje racyju, urešcie vyrašyć sud.
Čym skončycca sudovy praces i ci zastaniecca Juryj Čyž na svabodzie — varyjanty adkazaŭ na hetyja pytańni mohuć być zusim roznyja…
Darečy, jak prahučała ŭ sudzie, Juryj Čyž znachodziŭsia pad vartaj dvojčy: z 11 sakavika pa 14 vieraśnia 2016 hoda, i z 15 sakavika pa 9 vieraśnia 2022 hoda.
«Maju namier iści da kanca, — skazaŭ Juryj Alaksandravič «Narodnaj Voli». — Ale, čym usio skončycca, nie viedaje nichto. Treba ŭsio prajści».
Znoŭ sudziać Juryja Čyža
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami2
Kamientary
Sudiatsia dva žulika.
No pośle suda,odin žulik okažietsia čiestnym!
Raźvie eto spraviedlivo?