Sustreču pa Ukrainie ŭ farmacie «Ramštajn» admianili paśla taho, jak stała viadoma, što na jaje nie pryjedzie prezident ZŠA Džo Bajden z-za ŭrahanu «Miłtan». Pra heta paviedamili dźvie krynicy ŭ NATA dla «Radyjo Svaboda».
Samit pavinien byŭ adbycca ŭ Hiermanii z 10 pa 13 kastryčnika. Płanavałasia, što na jaho prybuduć kala dvaccaci lidaraŭ dziaržaŭ abo ich uradaŭ, a prezident Ukrainy Uładzimir Zialenski pradstavić svoj «płan pieramohi».
Učora, 8 kastryčnika, ukrainski bok taksama abviaściŭ, što druhi samit miru, jaki Kijeŭ płanavaŭ pravieści ŭ listapadzie, pieraniesieny na paźniejšy termin.
Napiaredadni Bajden adkłaŭ svaju pajezdku ŭ Hiermaniju «dla taho, kab kantralavać padrychtoŭku da ŭrahanu «Miłtan» i miery reahavańnia na jaho», havorycca ŭ zajavie Biełaha doma. Paviedamlajecca, što «Miłtan» abryniecca na Fłarydu siońnia ŭnačy, i zaraz chutkaść jaho vietru dasiahaje 260 kiłamietraŭ u hadzinu. Ułady zaklikali da evakuacyi bolš za 5,5 miljona čałaviek i terminova prybirajuć abłomki ad papiaredniaha ŭrahanu «Chielen».
Sustrečy ŭ farmacie «Ramštajn», taksama viadomyja jak sustrečy Kantaktnaj hrupy pa abaronie Ukrainy, pravodziacca rehularna paśla ŭvarvańnia Rasii va Ukrainu. U hetych zborach udzielničajuć pradstaŭniki vajennych viedamstvaŭ bolš čym 50 krain.
Alaksandr Łukašenka pacałavaŭ orden, uručany jamu Pucinym16
Kamientary
Tak, jak i toj adziny maraton dabračynnaści spadaryniaj Harbunovaj, Ramštajn ładzicca padbajdenami, kab KANTRALAVAĆ dapamohu i kab LIŠNIAHA NIE DALI.