«Kali zastaniaciesia, vas čakaje śmierć». U čakańni ŭrahanu «Miłtan» z Fłarydy evakujujuć miljony ludziej
Jon moža stać samym mocnym za apošnija 100 hadoŭ.
Z amierykanskaha štata Fłaryda, na jaki ŭ sieradu viečaram pavinien abrynucca ŭrahan «Miłtan», evakujujuć kala piaci miljonaŭ čałaviek (u štacie žyvie 21 młn). Mer Tampy, treciaha pa vieličyni horada štata, papiaredziła, što zastavacca ŭ zonie ŭrahanu, jaki moža stać samym mocnym za apošnija 100 hadoŭ, roŭna śmierci, piša Bi-bi-si.
«Ja mahu skazać, bieź pierabolšańnia, što kali vy vyrašycie zastacca ŭ rajonach, jakija padlahajuć evakuacyi, vy pamrecie», — skazała Džejn Kastar u efiry telekampanii CNN.
Pavodle prahnozaŭ Nacyjanalnaha centra pa vyvučeńni ŭrahanaŭ (NHC), «Miłtan» abryniecca na ŭźbiarežža Fłarydy ŭ sieradu viečaram pa miascovym časie. Miarkujecca, što epicentram buduć centralnyja i zachodnija rajony štata, dzie pražyvajuć bolš za try miljony čałaviek.
Sinoptyki papiaredžvajuć, što praliŭnyja daždžy i štormavyja viatry vykličuć najmacniejšyja pavodki nie tolki na ŭźbiarežžy, ale i ŭ hłybini štata. Na ŭźbiarežžy chvali mohuć dasiahać 3-4 mietraŭ.
Pavodle danych Departamienta papraŭčych ustanoŭ Fłarydy, bolš za 4,5 tysiačy źniavolenych byli pieramieščanyja z zon, dzie čakajecca stychija, «biez škody dla hramadskaj biaśpieki». Evakuiravana taksama vajskovaja avijabaza, raźmieščanaja pobač z Tampaj.
Alaksandr Łukašenka pacałavaŭ orden, uručany jamu Pucinym25
Kamientary