Raniej zakon ab adnapołych šlubach byŭ zaćvierdžany šviedskim parłamientam.
Sabor Šviedskaj luteranskaj carkvy daŭ zhodu na adnapołyja šluby, paviedamlaje Radio Sweden.Pryniataje kastryčnika 22 rašeńnie zaviaršyła praceduru ŭraŭnieńni šlubaŭ pamiž mužčynam i žančynaj i pamiž partniorami adnaho połu: raniej zakon ab adnapołych šlubach byŭ zaćvierdžany šviedskim parłamientam i ŭstupiŭ u siłu 1 maja 2009 hoda.
Jak udakładniaje The Local, carkva adobryła adnapołyja šluby 176 hałasami z 249. Kiraŭnik Asacyjacyi sieksualnaha vychavańnia Šviecyi (RFSU) Asa Riehnier pryvitaŭ rašeńnie Sabora i zajaviŭ, što jano pojdzie na karyść ŭmacavańniu raŭnapraŭja.
Adzin z vysokapastaŭlenych carkoŭnych čynoŭ biskup Marcin Linda nahadaŭ, što pryniaćcie adnapołych šlubaŭ carkvoj pačałosia niekalki hadoŭ tamu, kali carkva vykazała hatoŭnaść viančać homasieksualnyja pary. «Ciapier havorka idzie pra toje, kab udakładnić terminałohiju: ci možna nazyvać takija sajuzy šlubam», — zajaviŭ Linden.
U šviedskich cerkvach i raniej składalisia adnapołyja šluby, adnak ciapier pry zaklučeńni šlubaŭ pamiž ludźmi adnaho połu ŭ dakumientach zamiest «muža i žonki» buduć napisana «zakonnyja sužency».Takim čynam, razam z praduhledžanymi zakonam mierami, homasieksualnyja pary jurydyčna atrymajuć tyja ž pravy, što i hieterasieksualnyja.
Adzin z praciŭnikaŭ pryniataha rašeńnia kansiervatyŭny biskup Chans Styhłund zajaviŭ Radio Sweden, što šlub, pa jaho pradstaŭleńni, heta sajuz pamiž mužčynam i žančynaj, a nie partniorami adnaho połu. «Ja dumaju, my paśpiašalisia z pryniaćciem takoha rašeńnia», — zajaviŭ jon. Inšy prychilnik tradycyjnych šlubaŭ zajaviŭ, što pryniataje Saboram rašeńnie moža pryvieści da padziełu carkvy.
Jak adznačaje The Local, Šviecyja stała adnoj ź pieršych krain u śviecie, dzie adnapołyja šluby dazvolenyja panujučaj carkvoj.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary