«Halijaf padaje ŭžo ŭ hetym hodzie». Zialenski vystupiŭ na Miunchienskaj kanfierencyi i zaklikaŭ dać Ukrainie zbroju
Prezident Ukrainy Uładzimir Zialenski ŭ svajoj pramovie na adkryćci Miunchienskaj kanfierencyi pa biaśpiecy pravioŭ paraleli pamiž ciapierašniaj vajnoj i siužetami Staroha Zapavietu. Jon zaklikaŭ uzbroić Ukrainu jak maha lepš, papiaredziŭšy, što ŭ vypadku pieramohi Kreml nie spynicca, paviedamlaje Bi-bi-si.
Videavystup Zialenskaha, jaki adkryŭ Miunchienskuju kanfierencyju, byŭ anansavany pad zahałoŭkam «David na Dniapry: baraćba Ukrainy za svabodu». Prezident Ukrainy źviarnuŭsia da starazapavietnaj historyi pra Davida i Halijafa.
«Być Davidam — značyć zmahacca. I my zmahajemsia. Być Davidam aznačaje mieć prašču dla pieramohi. U nas jašče niama praščy Davida ź Izraila. Ale ja vieru, što heta tolki časova», — zajaviŭ prezident, vierahodna namiakajučy na dapamohu ad Izraila. Napiaredadni ministr zamiežnych spraŭ Izraila Eli Koen sustreŭsia ź Zialenskim ŭ Kijevie i paabiacaŭ, što jaho kraina dapamoža Ukrainie va udaskanaleńni jaje sistemy SPA.
U Halijafa niama šancaŭ. Ale, na žal, u jaho jość patencyjał… Jon sprabuje vyjhrać dadatkovy čas dla svajoj ahresii, handlujučy sa śvietam… Tamu treba śpiašacca. Nam patrebnaja chutkaść», — dadaŭ Zialenski. «Jon abaviazkova ŭpadzie. Užo ŭ hetym hodzie! My možam heta zrabić. My ŭsie razam — jak i David», — skazaŭ na zakančeńnie prezident Ukrainy.
Zialenski znoŭ paŭtaryŭ dumku pra toje, što dabiŭšysia svaich metaŭ va Ukrainie Rasija nie spynicca i budzie pahražać biaśpiecy ŭsioj Jeŭropy. «My pavinny vyzvalić Ukrainu i Jeŭropu. Kali rasijskaja zbroja stralaje pa nas, jana ŭžo nacelenaja na našych susiedziaŭ. Ci moža Jeŭropa być pytańniem kampramisu? Nie», — padkreśliŭ jon.
«Zatrymka zaŭsiody była pamyłkaj»
Zialenski znoŭ zaklikaŭ sajuźnikaŭ Ukrainy nie zaciahvać z pastaŭkami ŭzbrajeńnia.
Na niadaŭniaj mižnarodnaj kanfierencyi ŭ Brusieli, dzie abmiarkoŭvałasia zachodniaja vajennaja dapamoha Ukrainie, sajuźniki Kijeva nie pryniali rašeńnie ab pastaŭkach zachodnich vajennych samalotaŭ, pra što nieadnarazova prasiŭ Zialenski. Jany kančatkova ŭzhadnili płan nadańnia Uzbrojenym siłam Ukrainy asnoŭnych bajavych tankaŭ, u tym liku hiermanskich Leopard.
«Rasija sprabuje vyjhrać svabodny čas, tarhujučysia sa śvietam. Na žal, jana pavinna źniščyć mnostva žyćciaŭ. I tamu nam treba paśpiašacca. Nam patrebnaja chutkaść našych damoŭlenaściej, pastavak, kab uzmacnić našu armiju, chutkaść rašeńniaŭ, kab abmiežavać rasijski patencyjał», — skazaŭ Zialenski, dadaŭšy, što «pramarudžvańnie zaŭsiody było i źjaŭlajecca da hetaha času pamyłkaj».
«Pakul my viadziom pieramovy ab tym, jak uzmacnić svaju abaronu sučasnymi tankami, Kreml dumaje, jak zadušyć Małdovu. Pakul my pierakonvajem, što Ukrainie patrebnaja sučasnaja bajavaja avijacyja, Rasija ŭžo pierakanała iranski režym — i vynikam užo źjaŭlajucca nie tolki iranskija drony va ŭkrainskim niebie, a niešta, čym Kreml užo zapłaciŭ [Iranu]. Vy ŭpeŭnienyja, što heta hrošy?», — spytaŭ Zialenski, vierahodna, namiakajučy na iranskuju jadziernuju prahramu, dla jakoj hetaj krainie patrebny ŭzbahačany ŭran.
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary
Zajavlať o pobiedach mohut tolko of priedstavitieli ZSU i Załužnyj.