Prysud ahučać u Minskim haradskim sudzie ŭ 14:30, paviedamiła ŭ fejsbuku žonka Paŭła Kaciaryna. Paŭłu pahražaje da 15 hadoŭ źniavoleńnia.
Jana taksama prosić padtrymać Paŭła listami, telehramami ci hrašovym pieravodam pa adrasie: SIZA-1, 220030, h. Minsk, vuł. Vaładarskaha, 2.
Praces, jaki pačaŭsia 20 lutaha, viadzie sudździa Žanna Brysina.
Pieršapačatkova sud byŭ adkryty, ale na samym pačatku sudovaha pasiadžeńnia dziaržaŭny abvinavaŭca zajaviŭ chadajnictva ab razhladzie spravy ŭ zakrytym režymie «z metaj praduchileńnia razhałošvańnia infarmacyi, raźmieščanaj u krynicach, pryznanych ekstremisckimi».
Jak paviedamlaŭ na pačatku studzienia były načalnik upraŭleńnia Śledčaha kamiteta pa Minsku Siarhiej Pasko, u 2011 hodzie «abvinavačany dla pošuku adnadumcaŭ pačaŭ tranślavać patrebnuju jamu infarmacyju ŭ masy».
«Pad vyhladam kulturna-histaryčnaha raźvićcia ŭ roznych ahulnadastupnych sacyjalnych sietkach i na sajtach jon raspaŭsiudžvaŭ idei biełaruskaha nacyjanalizmu, metaj jakich źjaŭlałasia źmiena dziaržaŭnaj ułady ŭ Biełarusi. Abvinavačvany zarehistravaŭsia ŭ jakaści indyvidualnaha pradprymalnika i zasnavaŭ tavarystva z abmiežavanaj adkaznaściu (krama pa anłajn- i afłajn-prodažy tavaraŭ), paśla čaho pačaŭ pravodzić roznyja masavyja mierapryjemstvy», — kazaŭ u studzieni Pasko.
Pa vynikach rasśledavańnia Biełavusu vystaŭlena abvinavačańnie pa nastupnych artykułach Kryminalnaha kodeksa:
— č. 1 art. 356 (zdrada dziaržavie);
— č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak);
— č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś);
— č. 1 art. 361-1 (kiraŭnictva ekstremisckim farmavańniem).
Na majomaść Paŭła Biełavusa nakłali aryšt na ahulnuju sumu bolš za 50 tysiač rubloŭ.
Vaskrasienski: Treba, kab Sikorski pryvioz padarunak Łukašenku. A Bialacki i 20 zavadataraŭ vyjduć apošnimi26
Kamientary