Školnaje kiraŭnictva ŭ štacie Juta vyrašyła, što źmiest Biblii nie padpadaje pad zabaronu 2022 hoda, adnak źmiaščaje «vulharnaść i hvałt, nieprymalnyja dla małodšaha ŭzrostu». U biblijatekach dla starejšych kłasaŭ Bibliju vyrašyli pakinuć.
U amierykanskim štacie Juta vyrašyli prybrać Bibliju dla pačatkovych i siarednich kłasaŭ, matyvujučy heta tym, što ŭ joj jość «vulharnaść i hvałt», piša Bi-bi-si.
Raniej u tym ža štacie baćki taksama skardzilisia, što Biblija karala Jakava (pierakład Biblii, jaki ličycca kłasičnym u anhłamoŭnym śviecie) źmiaščaje nieprymalny dla dziaciej sens.
Jak pisała miascovaje vydańnie Salt Lake Tribune, baćki ličać, što hety pierakład Biblii nieprydatny dla dziaciej małodšaha ŭzrostu, bo «jość parnahrafičnym zhodna z novym zakonam».
U 2022 hodzie miascovy ŭrad, dzie bolšaść składajuć pradstaŭniki Respublikanskaj partyi, pryniaŭ zakon, jaki zabaraniaje «parnahrafičnyja i nieprystojnyja» knihi ŭ škołach.
Da hetaha času bolšaść knih, jakija padpali pad hetuju zabaronu, byli pryśviečany seksualnaj aryjentacyi i seksualnaj identyčnaści.
Zabarona knih, pryśviečanych pravam ŁHBT abo rasavaj identyčnaści, adbyvajecca taksama i ŭ inšych štatach, jakija ličacca ŭ asnoŭnym kansiervatyŭnymi, — u Techasie, Fłarydzie, Misury i Paŭdniovaj Karalinie. Zrešty, knihi zabaraniajuć i ŭ libieralnych štatach, ale ŭ ich zabarona tyčycca knih, jakija majuć rasava abraźlivy źmiest.
Što ž datyčyć apošniaj zabarony ŭ Jucie, to jana stała vynikam baćkoŭskaj skarhi, padadzienaj u śniežni 2022 hoda. Pradstaŭniki škoł zajavili, što ŭžo kanfiskavali sa školnych biblijatek siem ci vosiem asobnikaŭ Biblii, padkreśliŭšy, što jaje vyvučeńnie nikoli nie ŭvachodziła ŭ školnuju prahramu.
Pry hetym školnaja administracyja nie patłumačyła, jakija mienavita častki Biblii baćki paličyli «pošłaściu i hvałtam».
Raniej pradstaŭniki miascovych orhanaŭ ułady ŭ Jucie nazyvali zakliki da zabarony Biblii «naśmieškami», ale paśla apošnich baćkoŭskich skarhaŭ nazvali Bibliju «składanaj dla čytańnia» ŭ małodšym školnym uzroście.
«Tradycyjna ŭ Amierycy Bibliju lepš za ŭsio čytajuć i razumiejuć doma, la chatniaha ačaha, u siamji», — napisaŭ u fejsbuku pradstaŭnik miascovych uład Kien Ajvary.
Školnaje kiraŭnictva vyrašyła, što źmiest Biblii nie padpadaje pad zabaronu 2022 hoda, adnak źmiaščaje «pošłaść i hvałt, nieprymalnyja dla małodšaha ŭzrostu». U biblijatekach dla starejšych kłasaŭ Bibliju vyrašyli pakinuć.
Zrešty, u Jucie jość i baćki, jakija nie zhodnyja z abmiežavańniem čytańnia Biblii małodšymi školnikami.
«Nie ŭjaŭlaju, što ŭ Biblii takoha, što treba było b vyklučyć. Heta ž nie toje [samaje], kab tam byli niejkija karcinki», — zajaviŭ telekanału CBS News adzin z baćkoŭ.
Juta nie pieršy štat, dzie vyrašyli prybrać Bibliju sa škoły. Raniej heta ŭžo zrabili ŭ Techasie, što stała vynikam kampanii, jakuju pačali baćki, pratestujučy suprać rašeńnia miascovych uład ab zabaronie peŭnych knih u škołach.
A ŭ Kanzasie školniki sami paprasili pryniać Bibliju sa školnaj biblijateki.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta10
Kamientary