U Homieli žančyna kupiła «Leksus» na dachody ad prodažu kropu. Jana tak kaža
Padatkovyja inśpiektary Homielskaha rajona źviarnuli ŭvahu na bujnyja pakupki pradprymalnicy, jakaja aficyjna zajmajecca prodažam aŭtazapčastak. Tym nie mienš kuplu darahich aŭto i kvatery ŭ Homieli jana patłumačyła dachodami ad prodažu vyraščanaha na svaim aharodzie ŭradžaju, piša «Biełka».
Žančyna z 2010 hoda zarehistravanaja pradprymalnikam, zajmajecca prodažam zapčastak da aŭtamabilaŭ, pakazvaje niadrennuju vyručku, svoječasova vypłačvaje padatki.
Da hetaha času pretenzij da pradprymalnicy ŭ padatkovaj inśpiekcyi nie było. Ale sioleta pastupiŭ zvarot ab tym, što IP pry prodažy detali nie praviała hrošy praz kasu i nie vydała pakupniku ček. Pravierka padatkavikoŭ pakazała, što abjom nabytaha dla pieraprodažu tavaru nie pakryvajecca pakazanaj u dekłaracyi vyručkaj.
— Adździeł padatkaabkładańnia dachodaŭ praanalizavaŭ dziejnaść IP za apošnija dziesiać hadoŭ. Ustanoŭlena, što jaje raschody pieravysili dachody bolš jak na 400 tysiač rubloŭ, — patłumačyli ŭ padatkovaj inśpiekcyi.
Razam z tym pradprymalnica kupiła «Leksus», dvuchpakajovuju kvateru ŭ novabudoŭli Homiela, majučy va ŭłasnaści dom. Jak patłumačyła žančyna, hrošy na kvateru joj jašče ŭ 2011 hodzie padaryła pažyłaja maci, jakaja nibyta adkłała ź piensii 1,5 miljarda niedenaminavanych rubloŭ (ciapier 150 tysiač — zaŭv. red.). Astatnija 240 tysiač padaryŭ muž.
— U padatkovaj nie pryniali hetych tłumačeńniaŭ, tady pradprymalnica prypisała sabie dachody ad prodažu na rynku kropu, piatruški i bulby, vyraščanych na svaim ziamielnym učastku. Hety fakt taksama pravieryli, adnak paćviardžeńnia nie znajšli, — raspaviali padatkaviki.
Patrabavańni padatkavikoŭ pa vypłacie padachodnaha padatku na sumu 113 tysiač rubloŭ pradprymalnica abskardziła ŭ sudzie. Ale biezvynikova.
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary