Zakryvalisia aeraporty, byli adkładzienyja vylety i pryloty samalotaŭ.
Pavodle źviestak rasijskaha Minabarony, kala 3-j hadziny ranicy na podstupach da Maskvy tam byŭ źbity bieśpiłotnik. Jaho źniščyli dziažurnymi srodkami SPA.
Pavodle zajavy Minabarony, dron samalotnaha typu pavinien byŭ udaryć «pa abjektach na terytoryi Maskvy i Maskoŭskaj vobłaści».
«Dziažurnymi srodkami SPA bieśpiłotny latalny aparat źniščany nad terytoryjaj Istrynskaha rajona Maskoŭskaj vobłaści», — śćviardžajuć u viedamstvie.
Pra niejtralizavany bieśpiłotnik taksama paviedamiŭ mer Maskvy Siarhiej Sabianin.
«Papiarednie paciarpiełych i razbureńniaŭ niama. Ekstrannyja słužby pracujuć na miescy zdareńnia», — havorycca ŭ telehram-kanale mera.
Tym nie mienš u aeraportach Maskvy adkładali vylet i pasadku samalotaŭ; byŭ uviedzieny płan «Dyvan», pry jakim pavietranaja prastora zakryvajecca.
Usiaho było zatrymana kala 20 rejsaŭ, vosiem rejsaŭ admienienyja. Praz paru hadzin aeraporty adnavili pracu.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary