Jon upeŭnieny, što Biełaruś i Ukraina ŭ budučyni adnoviać uzajemavyhadnaje supracoŭnictva.
Alaksandr Łukašenka pavinšavaŭ narod Ukrainy z 35‑j hadavinaj Dnia niezaležnaści, paviedamlaje jaho pres-słužba.
«Histaryčnyja losy biełaruskaha i ŭkrainskaha narodaŭ ciesna pieraplecienyja. Našy nacyi źviazvajuć šmatviakovyja tradycyi, pamiać pra ahulnyja pieramohi i ciažkija vyprabavańni», — havorycca ŭ vinšavańni.
Łukašenka vykazaŭ upeŭnienaść, što, niahledziačy na hieapalityčnyja ŭzrušeńni, budučyja pakaleńni biełarusaŭ i ŭkraincaŭ zachavajuć adviečnyja siabroŭskija i rodnasnyja suviazi, a Minsk i Kijeŭ adnoviać uzajemavyhadnaje supracoŭnictva na pryncypach davieru, pavahi i raŭnapraŭja, havorycca ŭ vinšavańni.
Łukašenka pažadaŭ usim hramadzianam Ukrainy zdaroŭja i roskvitu, a ich krainie — miru i ščaścia.
Pres-słužba nie dadała, što siońnia akurat roŭna čatyry z pałovaj hady, jak Rasija viadzie poŭnamaštabnuju vajnu suprać Ukrainy.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks17
Kamientary