«Biełaruskaja pravasłaŭnaja carkva na vyhnańni» ŭ Brazilii abviančała dvuch hiejaŭ. Hiei ašukali śviatara.
«Biełaruskaja pravasłaŭnaja carkva na vyhnańni» ŭ Brazilii abviančała dvuch hiejaŭ. Hiei ašukali śviatara.
«Takoha z nami jašče nie było za 43 hady isnavańnia našaj carkvy ŭ Kaetes. Źvierniemsia ŭ palicyju», — zajaviŭ u hutarcy sa ŚMI sakratar mitrapalita, kliryk Žaze da Siłva. Na jaho dumku, usie prysutnyja na šlubie pavinny być pryciahnutyja da adkaznaści.
Šlub, jaki carkva zaraz źbirajecca skasavać, adbyŭsia 21 listapada ŭ Kaetes, štat Piernambuku. Brazilskija ŚMI paviedamlajuć, što 18-ci hadovy Žaze Rocha i 26-ci hadovy Ražerya Silva vybrali dla svajho šluba Biełaruskuju pravasłaŭnuju carkvu (Ortodoxa Bielo-Russa).
Adzin z maładzionaŭ apranuŭ biełuju šlubnuju sukienku, čym uvioŭ u zman śviatara carkvy. Sam śviatar śćviardžaje, što jamu navat dumka ŭ hałavu nie prychodziła ab mahčymaści padmanu. Žaze Rocha i Ražeryja Siłva ŭ adkazvajuć tym, što, maŭlaŭ, usio ŭ navakolli viedajuć ab ichnaj pary, a tamu tłumačyć padrabiaznaści svajho pryvatnaha žyćcia jany nie paličyli nieabchodnym.
Para homaseksualistaŭ zapłaciła carkvie za šlub, na jakim prysutničała 450 haściej, troški bolš za sto dalaraŭ. Jany śćviardžajuć, što daŭno maryli ab zamacavańni svajho sajuzu takim čynam.
* * *
Najaŭnyja krynicy dahetul nie fiksavali ŭ Brazilii pravasłaŭnych biełaruskich prychodaŭ: ni aŭtakiefalnych, ni ŭ jurysdykcyi kanstancinopalskaha patryjarchata. Naohuł adziny biełaruski pravasłaŭny prychod u Paŭdniovaj Amierycy byŭ zasnavany ŭ 1940-ch u Buenas-Ajresie a. Vasilom Viačorkam, jaki potym pierasialiŭsia ŭ Čykaha (ZŠA).
Vidać, majecca na ŭvazie
Biełaruskaja pravasłaŭnaja carkva ŭ vyhnańni, jakaja adździaliłasia 26 śniežnia 1976 h. ad h.zv. «Amierykanskaha suśvietnaha patryjarchatu»,
stvoranaha hramadskim dziejačam Uładzisłavam Ryžym, tym samym, što stvaraŭ Starakatalickuju subožniu, Biełaruskuju chryscijanskuju artadaksalna-katalickuju subožniu, Słucki refarmavany katalicki (kalvinski) kaścioł, a taksama Biełaruskuju aŭtakiefalnuju narodnuju pravasłaŭnuju carkvu.
U svaju čarhu zasnavaŭ Biełaruskuju pravasłaŭnuju carkvu na vyhnańni Vitoryjo Džovani Busa, jakoha Ryžy vyśviaciŭ ŭ jepiskapy‑kaadjuktary pad imiem Viktara I Ivana, z tytułam archijepiskapa Biełastoka.
U 1988 h. da carkvy dałučyŭsia kliryk z Brazilii, jakoha ŭžo sam Busa vyśviaciŭ u jepiskapy, a taksama była stvorana mitrapolija ŭ Brazilii. Ciapier łacinaamierykanskaja mitrapolija składajecca ź piaci jepiskapaŭ, dvuch śviataroŭ i cełych čatyroch prychodaŭ.
Kamientary