Aktyvisty niezarehistravanaj arhanizacyi «Partnerstva» Mikoła Astrejka i Cimafiej Drančuk padali apelacyi ŭ Mienski haradzki sud.
Aktyvisty niezarehistravanaj arhanizacyi «Partnerstva» Mikoła Astrejka i Cimafiej Drančuk padali apelacyi ŭ Mienski haradzki sud.
Mikoła Astrejka j Cimafiej Drančuk užo troje sutak znachodziacca na Vaładarcy. Advakatka Mikoły Astrejki naviedała svajho padabaronnaha. Pavodle jaje, Mikoła kaža, što na Vaładarcy jamu lepiej. Svajaki Mikoły ličać, što hałoŭnaj pryčynaj jość psychalahičny cisk, jaki jon adčuvaŭ u kamery «amerykanki».
Kamery mienskaha śledčaha izalataru pieranasieleny. Ludzi skardziacca na adsutnaść śviežaha pavietra j soniečnaha śviatła. Ale tudy dazvalajuć čaściej pieradavać pieradačy. Maci Mikoły, Jaŭhienija Astrejka, siońnia pryniesła synu knihi. Ad advakatki jana daviedałasia, što Mikoła padaŭ skarhu na prysud u mienski haradzki sud.
(Astrejka: ) «Knihi pryniesła, bo niama čaho čytać. Hazety siudy treba vypisvać na vierasień. U Mikoły była advakatka. Jany napisali kasacyjnuju skarhu. Budziem ciapier čakać sudu. Listoŭ adsiul my jašče nie atrymlivali, ale advakatka kaža, što jon užo napisaŭ. Zaŭtra pryjdu siudy na pieršaje spatkańnie. U piatnicu ja pieradała ŭžo siudy pieradaču na 4 kilahramy. Čerhi tut daŭžejšyja, ale iduć šparčej. Narodu šmat».
Na Vaładarcy Jaŭhienija Astrejka sustreła maci Eniry – Vijaletu Branickuju. Eniru j Alaksandra Šałajku pieraviali na Vaładarku naprykancy śledztva. Žančyny abmianialisia navinami. Vijaleta Branickaja čakała advakatku, kab daznacca, pieraviaduć jejnuju dačku ŭ Žodzina, ci pakinuć adbyvać pakarańnie ŭ Mienskim SIZA.
(Branickaja: ) «Ci pieraviaduć jaje ŭ aryštancki dom u Žodzinie, – usio heta na ŭzroŭni zdahadak i čutak. Vierahodnaść takaja jość, ale aficyjnych paviedamleńniaŭ i zajavaŭ u nas niama. Zastajecca adzin tydzień. My vielmi spadziajomsia, što ničoha nia zdarycca, i dačka chutka vyjdzie na volu».
Baćka Cimafieja, Valer Drančuk, spadziajecca, što zaŭtra budzie mieć spatkańnie z synam.
(Drančuk: ) «Dumaju, što ź pierajezdam na Vaładarku Cimafiej i psychalahična, i pabytova čakaje padtrymki – jak z boku advakataŭ, tak i z našaha boku, svajakoŭ. Ja źbirajusia siońnia atrymać u sudździ dazvoł na sustreču j patrapić da Cimocha. Sercam adčuvaju, što jon mianie čakaje».
Advakat Cimafieja Drančuka, Pavał Sapiełka, paviedamiŭ «Svabodzie»:
(Sapiełka: ) «Kali ja vyvučaŭ pratakoł sudovaha pasiedžańnia, to znajšoŭ tam masu niedakładnaściaŭ. Tamu ja ciapier padrychtavaŭ zaŭvahi na pratakoł sudovaha pasiedžańnia j budu padavać ich u sud Centralnaha rajonu».
Zaŭvahi da pratakołu, zhodna z zakanadaŭstvam, padajuć na imia sudździ, jaki vioŭ praces. Leanid Jasianovič sam, biez čyjho-niebudź udziełu, budzie davać adkaz na zaŭvahi. Naziralniki adznačajuć, što na praktycy sudździ, jak praviła, pryznajuć zaŭvahi nieistotnymi.
Kamientary