Jašče ŭ dzień da taho, jak była uručanaja nobieleŭskaja premija miru Baraku Abamu, Osłaŭski univiersitet prezientavaŭ admietnuju inicyjatyvu — uračystyja vybary «dyktatara hoda». Siońnia ž hety tytuł byŭ prysvojeny viarchoŭnamu kiraŭniku Irana, ajatole Ali Chamieniei.
Pavodle začynalnikaŭ spabornictva, tytuł «Dyktatar hoda» budzie dadzieny tamu, chto «ciaham hoda prajaŭlaŭ najvialikšuju varožaść u dačynieńni da svajho narodu i ŭ dačynieńni da inšych nacyjaŭ, a taksama adčuvalna pavialičyŭ ludskija pakuty».
U hałasavańni brali ŭdzieł studenty univiersitetu Osła z dapamohaj sacyjalnaj sietki «Fejsbuk». Chamieniei atrymaŭ bolš za try tysiačy hałasoŭ z 4200 padadzienych. U ajatoły było 11 spabornikaŭ, siarod jakich, takija aŭtarytetnyja aŭtarytarysty, jak spadčynny kiraŭnik Paŭnočnaje Karei Kim Čen Ir, niezastupny prezident Zimbabve Robiert Muhabe dy vierchavodnik vajskovaje chunty ŭ Mjanmie — Ten Šve.
Pavodle słovaŭ prafiesarki Osłaŭskaha univiersitetu Niny Vitošek, ideja konkursu była -- «nahadać śvietu pra hienacyd dy katavańni, što ŭžyvajucca ŭ dačynieńni da miljonaŭ ludziej, čyje žyćci štodnia visiać na vałasku ŭ miescach, što pieratvarylisia ŭ piekła na ziamli».
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami25
Kamientary