Minčanka paznajomiłasia z «salidnym biznesmienam» — toj ašukaŭ jaje na 120 tysiač rubloŭ
Novy znajomy žančyny raskazvaŭ, što lacić na Kubu dla arhanizacyi dnia naradžeńnia šejcha z AAE. A paśla padklučyŭsia jaho pryjaciel.
U lipieni hetaha hoda 35-hadovaja minčanka ŭ papularnym dadatku dla znajomstvaŭ zaviazała adnosiny ź niejkim Viktaram. Toj raspaviadaŭ, što ładzić roznyja mierapryjemstvy pa ŭsim śviecie. U pierapiskach jon zaŭsiody byŭ vielmi ŭvažlivym, cikaviŭsia žyćciom minčanki i vykazvaŭ simpatyju, što vyklikała davier u žančyny. Pry hetym mužčyna nieadnarazova zhadvaŭ, što hrošy na raźvićcio biznesu jon zarabiŭ z dapamohaj inviestycyj u kryptavalutu.
Praź niejki čas Viktar paviedamiŭ, što lacić na Kubu dla arhanizacyi dnia naradžeńnia šejcha z AAE i prapanavaŭ pierad vyletam dapamahčy minčancy trapić u kamandu jaho siabra, z dapamohaj jakoha jon zarabiŭ svoj kapitał. Taja pavieryła.
U chodzie razmovy «brokier» raspavioŭ, što zajmajecca inviestycyjami na biržach, u tym liku na valutnym i syravinnym rynkach. Uzamien na poŭnaje supravadžeńnie dziejnaści paprasiŭ 10% ad prybytku. Minčanka pahadziłasia i pieradała jamu ŭsie nieabchodnyja dla rehistracyi danyja.
Na praciahu dvuch tydniaŭ žančyna pad kiraŭnictvam kuratara rehistravałasia na sajtach, papaŭniała rachunak i pieravodziła hrošy. A kali zachacieła vyvieści ich, joj paviedamili, što heta niemahčyma. I tolki tady jana zrazumieła, što stała achviaraj machlaroŭ i źviarnułasia ŭ milicyju.
Usiaho na rachunki, padkantrolnyja złamyśnikam, minčanka pieraličyła bolš za 122 tysiačy rubloŭ.
Pieršamajski (h. Minska) rajonny adździeł Śledčaha kamiteta zavioŭ kryminalnuju spravu pa č. 4 art.209 (machlarstva ŭ asabliva bujnym pamiery) Kryminalnaha kodeksa.
-
U Pružanach sa stralaninaj zatrymlivali kiroŭcu biez pravoŭ
-
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
-
«Parvaŭ sabie dyjafrahmu i kiški, nanoŭ vučyŭsia chadzić». Unuk aŭtara «Kałychanki» Vasila Rainčyka raspavioŭ, jak trapiŭ u strašnuju avaryju
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary