Na valutnym rynku Rasii apošnimi dniami adznačajecca ŭpeŭnieny rost kursa rasijskaha rubla. Paśla ŭmacavańnia amal na 2 rubli da dalara i jeŭra ŭ piatnicu (z 97,05 da 95,3 rub. za dalar i sa 102,8 da 100,85 rub. za jeŭra) siońnia da 16:00 kurs rubla dadaŭ jašče amal rubiel da dalara — 94,5 rub. i 50 kap. da jeŭra — 100,4 rub., pry hetym padčas tarhoŭ jeŭra apuskaŭsia nižej za 100 rubloŭ. U čym pryčyna hetaha, daviedałasia vydańnie The Moscow Times.
«Da rubla ŭ hości pryjšoŭ «padatkovy tydzień» z rekordnym abjomam naftahazavych padatkaŭ», — piša kiraŭničy dyrektar Private Banking ad Hazprambanka Jahor Susin. Padatki ličacca zychodziačy z uzrosłaj cany na naftu, da hetaha dadasca kvartalny PDD (padatak na dadatkovy dachod) i nie budzie kampiensacyi pa dempfiery, pieraličvaje jon.
«Umacavańnie rubla čakanaje i źviazanaje z pavieličeńniem prapanovy valuty eksparciorami, jakija pačali vykonvać ukaz ab prodažy valutnaj vyručki, što ŭstupiŭ u siłu 16 kastryčnika, a taksama rychtujucca da padatkovych vypłat 30 kastryčnika», — adznačaje analityk Pramsuviaźbanka Jaŭhien Łakciuchoŭ. Padtrymku rublu, na jaho dumku, taksama akažuć darahaja nafta i čakańni pavyšeńnia klučavoj staŭki 27 kastryčnika.
U bolš praciahłaj pierśpiektyvie rasijski rubiel, adnak, budzie słabieć, ličać ekśpierty. Jon maje dobryja šancy ŭmacavacca nižej za 95 rub. za dalar, adnak u doŭhaterminovaj pierśpiektyvie pa-raniejšamu vyhladaje słabym z-za vialikich vydatkaŭ biudžetu i vielizarnaj patreby ŭ imparcie.
Čytajcie taksama:
Siońnia dalar patańnieŭ na try kapiejki
1 studzienia minimalny zarobak vyraście na 13%
Nacbank sprahnazavaŭ inflacyju i staŭku refinansavańnia na nastupny hod
Kolki nasamreč ciahnucca pracoŭnyja pajezdki Łukašenki? Cikavyja ličby17
Kamientary