U 2021 hodzie lehiendarny aŭtarynak u minskaj Malinaŭcy vystavili na aŭkcyjon. Pradaŭcom vystupała ZAT «Handlovy śviet «Kalco». Dniami stała viadoma, što kampaniju likvidavali, piša Onliner.by.
Ekanamičny sud Minskaj vobłaści zaviaršyŭ likvidacyjnuju vytvorčaść u dačynieńni da arhanizacyi. Takim čynam, jana bolš nie vałodaje aŭtamabilnym rynkam. Amal try hady tamu startavy košt kultavaj placoŭki składaŭ 43 958 550,31 rubla (pa ciapierašnich mierkach heta składaje 13,8 miljona dalaraŭ).
Pradpryjemstva ZAT «Handlovy śviet «Kalco» było pryznana bankrutam jašče ŭ 2018 hodzie. Što tyčycca aŭtarynka, jon źjaviŭsia ŭ Malinaŭcy za MKAD u dalokim 1994-m. Ludzi pryjazdžali pa mašyny z dalokich krajoŭ. Niedaloka ad miesca kupli/prodažu aŭtamabilaŭ zatym adkryŭsia MRA DAI, źjaviŭsia i aŭtakinateatr. Da pačatku 2010-ch žyćcio na rynku kipieła.
Adnak z 2011 hoda ŭviali pavyšanuju razmytnioŭku dla mašyn z Zachadu, tamu pryvoz aŭto ź Jeŭropy pierastaŭ być aktualnym. Pryvatnyja pradaŭcy patrochu stali pierabiracca na profilnyja sajty — heta akazałasia zručniej, nie treba było dniami stajać la aŭtamabila na vydzielenaj placoŭcy. Voś tak patrochu rynak i puścieŭ, hublajučy svaju aktualnaść.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary