Repietycyju centralizavanaha ekzamiena praviaduć 27 studzienia
Pra datu repietycyi centralizavanaha ekzamiena ŭ budučym hodzie paviedamiŭ ministr adukacyi Andrej Ivaniec. Pa jaho słovach, repietycyja projdzie 27 studzienia.
«Ministerstva adukacyi 27 studzienia 2024 hoda praviadzie repietycyju centralizavanaha ekzamiena. Jana projdzie pa tych ža praviłach, što i centralizavany ekzamien u mai 2023 hoda. Dla hetaha vyznačanyja 144 punkty praviadzieńnia. U repietycyi CE prymuć udzieł bolš za 58 tys. vypusknikoŭ ustanoŭ ahulnaj siaredniaj adukacyi, što na 5 tys. bolš u paraŭnańni ź minułym hodam…
Pracedura projdzie pa anałohii ź minułym hodam. Płanujecca, što apracoŭka vynikaŭ budzie praviedziena ŭ dvuchtydniovy termin, u trochtydniovy termin usie vyniki buduć daviedzieny ŭžo da ŭdzielnikaŭ repietycyi», — raskazaŭ Andrej Ivaniec.
Asablivaściu repietycyi centralizavanaha ekzamiena ŭ studzieni stanie toje, što jana projdzie pa ŭsich pradmietach pa vybary navučencaŭ, uklučajučy ruskuju ci biełaruskuju movy.
«Minułuju repietycyju my pravodzili tolki pa ekzamienie «pradmiet na vybar» bieź dziaržaŭnaj movy. Hetym razam dzieci zmohuć vybrać u tym liku adnu ź dziaržaŭnych moŭ albo inšy pradmiet pa vybary, jaki jany chočuć», — adznačyŭ Ivaniec.
Pry hetym u biahučym navučalnym hodzie buduć vykarystanyja testy z uklučanymi zadańniami piataha ŭzroŭniu składanaści.
«Heta zroblena dla taho, kab pryvieści ŭ poŭnuju adpaviednaść kryteryi acenki ŭ škole da kryteryjaŭ acenki centralizavanaha ekzamienu, jaki źjaŭlajecca vynikovaj formaj atestacyi vypusknikoŭ», — prainfarmavaŭ ministr.
Jon padkreśliŭ, što vyniki repietycyi CE ni na što nie paŭpłyvajuć, heta tolki mahčymaść pravieryć svaje siły. Taksama Ivaniec zapeŭniŭ, što
«pieravodnyja škały jak pieršasnych bałaŭ u testavyja, tak i testavych — u dziesiacibalnuju adznaku, buduć vykarystoŭvacca tyja ž, što vykarystoŭvalisia pry praviadzieńni centralizavanaha ekzamienu i centralizavanaha teściravańnia ŭ minułym navučalnym hodzie. Jany apublikavanyja ŭ volnym dostupie i źmianiacca nie buduć».
U minułym hodzie, nahadajem, pytańnie pieravodu bałaŭ stała pryčynaj skandału i vyklikała pratesty z boku jak abituryjentaŭ, tak i ich baćkoŭ.
Centralizavany ekzamien u hetym navučalnym hodzie projdzie 27 i 30 maja, heta buduć asnoŭnyja dni.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach17
Kamientary