Adna z handlovych sietak u Biełarusi transfarmuje svoj biznes, bo «rasijski ŭłaśnik mianiaje stratehiju». Pra heta raskazaŭ ministr antymanapolnaha rehulavańnia i handlu Alaksiej Bahdanaŭ padčas Respublikanskaha kłubu dyrektaraŭ. Jak paźniej vyśvietliłasia, havorka idzie pra kramy «Ałmi», piša Office Life.
Alaksiej Bahdanaŭ udakładniaŭ, što ŭłaśnik sietki zakryŭ arhanizacyi ŭ Rasii i transfarmuje svoj biznes u Biełarusi: «Častku pakidaje, častku pieravodzić u deviełapierskuju schiemu».
Paźniej ministr patłumačyŭ, što ŭ viedamstvie pravodzili naradu z udziełam hałoŭnaha akcyjaniera «Ałmi»:
«Jon raskazaŭ, što častku kramaŭ maje namier zachavać. Banki pryznali ich stabilnaje stanovišča. Tam, dzie ŭ ich situacyja horšaja, handlovaje źviano niedaciahvaje, hetyja płoščy buduć zdavać u arendu».
Pry hetym Alaksiej Bahdanaŭ udakładniŭ, što da hetych abjektaŭ užo prajavili cikavaść sietki «Jeŭraopt», «Dyjanis» i «Susiedzi». Viaducca pieramovy i ź inšymi retejlerami.
Sietku «Ałmi» pačaŭ razbudoŭvać u Biełarusi ŭ 2005 hodzie ŭradženiec Pinska Alaksandr Zarybka. Ciapier jana abjadnoŭvaje 40 abjektaŭ.
Raniej Alaksiej Bahdanaŭ padkreślivaŭ, što bolš za ŭsich dziaržaŭnaje rehulavańnie cenaŭ zakranuła handlovyja arhanizacyi, u jakich prykmietna źniziłasia rentabielnaść. Pry hetym jon zrabiŭ akcent na tym, što transfarmacyja biznesu, u tym liku «Vitalura», nie źviazanaja z pastanovaj 713.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary