Pad Vilniaj zahinuŭ były biełaruski dobraachvotnik «Tuz». Jaho źbiŭ ciahnik
21 sakavika pad Vilniaj trahična zahinuŭ były biełaruski dobraachvotnik «Tuz», paviedamiła dobraachvotnickaje abjadnańnie biełarusaŭ u Litvie «Lićviny». Infarmacyju pra jaho śmierć paćviardžajuć krynicy «Radyjo Svaboda».
Palicyja vyśviatlaje abstaviny trahiedyi. Imia i proźvišča dobraachvotnika nie ahałošvajecca ŭ metach biaśpieki.
Na vajnu va Ukrainu «Tuz» pryjechaŭ jašče ŭ sakaviku 2022 hoda. Jon braŭ udzieł u bajavych dziejańniach na poŭdni Ukrainy ŭ składzie biełaruskaha bataljona «Teror». U kancy 2022-ha zvolniŭsia sa słužby. U vieraśni 2023 hoda viarnuŭsia na front, vajavaŭ u 79-j asobnaj desantna-šturmavoj bryhadzie.
U Vilniu «Tuz» viarnuŭsia z frontu naprykancy lutaha 2024. Svaboda zapisvała jahonyja razvahi pra vajnu i siabie da druhoj hadaviny poŭnamaštabnaha ŭvarvańnia va Ukrainu.
«Moža, heta piesimizm, a moža, realizm. Mnie chočacca vieryć, što ja nie mocna źmianiŭsia. U niejkich pytańniach ja staŭ bolš upeŭnieny ŭ sabie, čym heta było ŭ 2020 hodzie padčas pratestaŭ. Tady ja, jak i bolšaść, chavaŭsia, uciakaŭ. Siońnia ja baču šmat niepryjemnych i žudasnych rečaŭ, i niejki AMAP ciapier užo nie taki strašny, jak raniej.
Ja staŭ bolš patrabavalnym. Ludzi, jakija vakoł mianie siońnia, pavinny być adkaznymi navat u drobnych pytańniach. Bo ad hetaha moža zaležać žyćcio tvajo i tvaich pabracimaŭ.
Chočacca vieryć, što bolš žorstkim ja nie staŭ. Ja razumieju, što jość niejkaje raźmiežavańnie miž vajnoj i cyvilnym žyćciom. I heta zusim roznyja rečy», — kazaŭ jon.
Pavodle infarmacyi «Našaj Nivy» mienavita «Tuza» źbiŭ učora pad Vilniaj ciahnik.
Małady čałaviek išoŭ pa rejkach.
Haračy viečar u Varšavie — minskaje «Dynama» nie vytrymała nacisku «Lehii». Ale samaje cikavaje adbyvałasia nie na poli, a na trybunach FOTAREPARTAŽ2
Haračy viečar u Varšavie — minskaje «Dynama» nie vytrymała nacisku «Lehii». Ale samaje cikavaje adbyvałasia nie na poli, a na trybunach FOTAREPARTAŽ
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary