Aranžavaje vobłaka pyłu z Sachary nakryła Hiermaniju, Francyju i Šviejcaryju
Častku Jeŭropy nakryła vobłaka pyłu, jaki padniaŭsia z pustyni Sachara. Pył nadaŭ aranžavy adcieńnie niebu nad niekatorymi rajonami Francyi, Šviejcaryi i paŭdniovaj Hiermanii, piša DW.
![](http://nashaniva.com/img/w840d4webp1/photos/z_2024_03/gettyimages-2120140720-tkard.jpg.webp)
Štohod z Sachary vykidvajecca ad 60 da 200 miljonaŭ ton minieralnaha pyłu. Choć bujnyja čaścicy chutka padajuć na ziamlu, drabniutkija časam mohuć pieraadolvać tysiačy kiłamietraŭ.
Płast sacharskaha pyłu paŭpłyvaŭ na jakaść pavietra ŭ niekatorych rajonach.
Šviejcarskaja słužba manitorynhu AirCheck zafiksavała vysoki ŭzrovień zabrudžvańnia ŭ kalidory, jaki praciahnuŭsia z paŭdniovaha zachadu na paŭnočny ŭschod krainy.
Raman Brojli, mietearołah šviejcarskaj telekampanii SRF, paviedamiŭ, što było zafiksavana kala 180 000 ton pyłu — prykładna ŭdvaja bolš, čym pry anałahičnych pyłavych burach za apošnija hady.
Tym časam miascovyja ŭłady Francyi abviaścili, što ŭ niekatorych rajonach pieravyšany paroh zabrudžvańnia pavietra. Departamient Ero, raźmieščany na ŭźbiarežžy Mižziemnaha mora, pieraściaroh žycharoŭ ad intensiŭnych fizičnych nahruzak.
Bližejšymi dniami pył z Sachary nakryje i Ukrainu, pišuć ukrainskija ŚMI.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary