Аранжавае воблака пылу з Сахары накрыла Германію, Францыю і Швейцарыю
Частку Еўропы накрыла воблака пылу, які падняўся з пустыні Сахара. Пыл надаў аранжавы адценне небу над некаторымі раёнамі Францыі, Швейцарыі і паўднёвай Германіі, піша DW.
Штогод з Сахары выкідваецца ад 60 да 200 мільёнаў тон мінеральнага пылу. Хоць буйныя часціцы хутка падаюць на зямлю, драбнюткія часам могуць пераадольваць тысячы кіламетраў.
Пласт сахарскага пылу паўплываў на якасць паветра ў некаторых раёнах.
Швейцарская служба маніторынгу AirCheck зафіксавала высокі ўзровень забруджвання ў калідоры, які працягнуўся з паўднёвага захаду на паўночны ўсход краіны.
Раман Бройлі, метэаролаг швейцарскай тэлекампаніі SRF, паведаміў, што было зафіксавана каля 180 000 тон пылу — прыкладна ўдвая больш, чым пры аналагічных пылавых бурах за апошнія гады.
Тым часам мясцовыя ўлады Францыі абвясцілі, што ў некаторых раёнах перавышаны парог забруджвання паветра. Дэпартамент Эро, размешчаны на ўзбярэжжы Міжземнага мора, перасцярог жыхароў ад інтэнсіўных фізічных нагрузак.
Бліжэйшымі днямі пыл з Сахары накрые і Украіну, пішуць украінскія СМІ.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары72
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць3030
Каментары