Futbalisty mahiloŭskaha «Dniapra» vyjšli ŭ 1/4 finału Kubka Sadružnaści
Futbalisty mahiloŭskaha «Dniapra» atrymali druhuju pieramohu na Kubku čempijonaŭ Sadružnaści i krain Bałtyi, jaki tradycyjna prachodzić hetymi dniami ŭ Maskvie.
Futbalisty mahiloŭskaha «Dniapra» atrymali druhuju pieramohu na Kubku čempijonaŭ Sadružnaści i krain Bałtyi, jaki prachodzić hetymi dniami ŭ Maskvie.
U druhim matčy papiaredniaha etapa ŭ hrupie «A» bronzavyja pryziory čempijanatu Biełarusi — BATE i ŭładalnik srebranych miedaloŭ minskaje «Dynama» admovilisia brać udzieł u turniry — va ŭpartaj baraćbie pierajhrali najlepšuju kamandu Łatvii lijepajski «Mietałurh» — 4:3. Paśla pieršaha tajma padapiečnyja Andreja Skarabahaćki prajhravali 1:2, ale ŭ druhoj pałovie sustrečy zdoleli zabić try miačy, na što supierniki adkazali tolki adnym.
U składzie biełarusaŭ dvojčy vyznačyŭsia Andrej Lasiuk (7‑ia i 65‑ia chviliny), a jašče pa hołu na svoj lik zapisali Fiodar Čarnych (60) i Maksim Karpovič (88). U pieršym pajadynku mahiloŭcy pieramahli čempijona Kyrhyzstana «Dardoj‑Dynama» — 3:1.
Takim čynam, «Dniapro» nabraŭ 6 bałaŭ i niezaležna ad vyniku zaklučnaha matča papiaredniaha etapu zabiaśpiečyŭ sabie vychad u čverćfinał.
U druhim matčy 2‑ha tura kazanski «Rubin» pierajhraŭ «Dardoj‑Dynama» ź likam 2:0.
Pierad zaklučnym hulniami, jakija adbuducca ŭ aŭtorak, 19 studzienia, stanovišča ŭ hrupie A takoje: Dniapro ‑ 6 bałaŭ, Mietałurh i Rubin ‑ pa 3, Dardoj‑Dynama - 0.
U pieršym matčy plej‑of «Dniapru» daviadziecca sustreniecca z adnoj z kamandaŭ kvarteta V.
Paśla dvuch turaŭ tam lidzirujuć azierbajdžanski «Baky» i finski CHIK (Chielsinki), jakija nabrali pa 4 bały, u kazachstanskaha «Rejndžers» na bał mieniej, a ŭ tadžykskaha «Vachša» (Kurhan‑Ciubie) nabranych bałaŭ pakul niama.
Siońnia na turniry vychadny dzień,
zaŭtra projduć matčy 3‑ha tura,
čverćfinały adbuducca 20 studzienia, paŭfinały — 22 studzienia, finał namiečany na 24 studzienia. Kubak čempijonaŭ Sadružnaści i krain Bałtyi pravodzicca ŭ rasijskaj stalicy ŭžo ŭ 18‑y raz.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach12
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia33
Kamientary