Pryčym Navumaŭ abvierhnuŭ paviedamleńni, što jaho novym miescam pracy stanie rasijski bank VTB («Vnieštorhbank»).
Były staršynia Fiederacyi chakieja Uładzimir Navumaŭ maje namier adpravicca ŭ Maskvu paśla zaviaršeńnia pieramoŭ ab pracaŭładkavańni.
«Vyjezd zaležyć ad zakančeńnia pieramoŭ, jakija ja viadu. Jak tolki ja vyznačusia, što mianie zadavalniajuć usie ŭmovy, jakija mnie prapanujuć, ja adrazu ž źjedu. Ja siońnia nie mahu kankretna skazać miesca pracy, bo ŭ mianie jość niekalki prapanoŭ, i ja jakraz abmiarkoŭvaju hetyja prapanovy», — zajaviŭ žurnalistam Navumaŭ 21 studzienia pa zakančeńni niečarhovaj spravazdačna‑vybarčaj kanfierencyi FCHRB.
Navumaŭ abvierh paviedamleńni, što jaho novym miescam pracy stanie rasijski bank VTB («Vnieštorhbank»).
Pavodle słoŭ byłoha kiraŭnika fiederacyi, svajo dalejšaje žyćcio jon źviazvaje ź Biełaruśsiu, a ŭ Maskvu jedzie pracavać. Jaho žonka «taksama choča ŭ Maskvu — zimoj, a letam — dadomu».
Adkazvajučy na pytańnie, kolki času jon płanuje pracavać u Maskvie, Navumaŭ zajaviŭ: «Ja ŭvieś čas i raniej havaryŭ, što čałaviek, i mužčyna asabliva, pavinien pracavać da toj pary, pakul jon chodzić. Ja b nie padavaŭ tak, što za maim adjezdam u Maskvu štości staić. Narmalnaja situacyja ŭ śviecie takaja: dzie jość dobraja praca, jakaja vysoka apłačvajecca, tudy mužčyna pavinien jechać.
I ja dumaju, što, kali składziecca takaja situacyja i praź miesiac mnie prapanujuć dobruju zarpłatu i pracu na Haici, ja pajedu na Haici».
Navumaŭ prakamientavaŭ taksama čutki ab svaim mahčymym aryšcie: «Ja hetaha nie čytaŭ, ale krajem vucha mnie ŭčora raskazvali. Ja skažu tak: za doŭhi, doŭhi čas ja da hetaha ŭžo pryvyk. Užo pra mianie stolki ŭsiaho pisali, što mnie chočacca siońnia chutčej syści ŭ cień i spakojna adpačyć. Napeŭna, dla hetaha i isnuje presa, što treba pra štości pisać. Zaraz voś jakraz udzieł moj. Ja vielmi spadziajusia, što jon chutka zavieršycca i budzie chtości inšy».
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5050
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz50
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary