Smalenskaja mytnia adkryła šeść kryminalnych spraŭ za pradstaŭleńnie ŭ padatkovyja orhany dadzienych padstaŭnych asob, što paciahnuła ŭniasieńnie źviestak u Adziny dziaržaŭny rejestr jurydyčnych asob, paviedamlaje pres-słužba viedamstva.
Čaćviora žycharoŭ Smalenska va ŭzroście da 30 hadoŭ pradstavili piersanalnyja źviestki i dali zhodu stać naminalnymi dyrektarami šaści kampanij za hrašovuju ŭznaharodu ad 10 da 15 tysiač rasijskich rubloŭ (100 — 150 dalaraŭ). Jak vyśvietlili rasijskija mytniki, pošukam padstaŭnych asob i ich supravadžeńniem dla rehistracyi ŭ padatkovych orhanach zajmalisia hramadzianin Biełarusi i hrupa nieŭstanoŭlenych asob.
Zvyčajna takija firmy stvarajucca dla ździajśnieńnia takich złačynstvaŭ, jak uchileńnie ad vypłaty padatkaŭ i mytnych płaciažoŭ, parušeńnie valutnaha zakanadaŭstva, roznyja vidy kantrabandy i machlarstva, tłumačyć načalnik Smalenskaj mytni Rustam Jakubaŭ.
U dačynieńni da hramadzianina Biełarusi i hrupy nieŭstanoŭlenych asob, jakija ŭdzielničali ŭ niezakonnym stvareńni jurydyčnych asob, adkrytyja šeść kryminalnych spraŭ.
Rasijskija mytniki pieraścierahajuć ad pieradačy piersanalnych danych starońnim asobam, bo heta moža mieć niehatyŭnyja nastupstvy, takija jak adkryćcio kryminalnaj spravy.
-
«My sieli i siadzieli, a što rabić?» U Staradarožskim rajonie try piensijanierki praviali cełuju noč u lesie
-
U Małaryckim rajonie mašyna ŭrezałasia ŭ dreva, zahinuŭ čałaviek
-
U Kamiency samakatčyk zarubiŭsia ź milicyjanieram. Praź niekalki tydniaŭ u chłopca znajšli dziciačaje porna i padpiski na «ekstremizm»
Kamientary