Haryć najbujniejšaje na Ziamli bałota. Jano prykładna roŭnaje Biełarusi

Najbujniejšaje bałota Ziamli — Pantanał u Paŭdniovaj Amierycy — achoplena ahniom. Žyvioły hinuć tysiačami, balnicy pierapoŭnienyja pacyjentami z reśpiratornymi zachvorvańniami, piša Rasijskaja słužba Radyjo Svaboda.

U pieršym paŭhodździ płošča pažaraŭ na Pantanale pavialičyłasia na 1500% u paraŭnańni z anałahičnym pieryjadam minułaha hoda i ŭžo dasiahnuła ŭzroŭniu 2020 hoda, jaki nazyvajuć «hodam połymia».

Płošča bałota składaje pa roznych padlikach składaje 150-190 tysiač kvadratnych kiłamietraŭ, što amal roŭna terytoryi Biełarusi.

Sioleta zhareła ŭžo bolš za 760 tysiač hiektaraŭ, što składaje kala piaci pracentaŭ usioj płoščy bałota, jakoje znachodzicca pieravažna ŭ Brazilii (taksama častkova ŭ Balivii i Parahvai).

Miarkujučy pa videa The Guardian, zialony chmyźniak pieratvaryŭsia ŭ šera-bieły dyvan popiełu ź pniami dreŭ.

Pantanał — unikalnaja ekasistema, tut pradstaŭleny bolš za dźvie tysiačy vidaŭ raślin i bolš za dziesiać tysiač vidaŭ žyvioł, u tym liku vymirajučyja hihanckija vydry, bałotnyja aleni i hijacyntavyja ara. Vałanciory raspaviadajuć, što bačyli «sotni i sotni miortvych žyvioł» tolki za apošni tydzień.

«Reptylii, źmiei, žaby — usie žyvioły, jakija nie ŭmiejuć biehać, — u ich niama nivodnaha šancu», — kaža adzin z dobraachvotnikaŭ, jaki ratuje žyvioł ad ahniu. Małpy hinuć, udychajučy dym, jahuary atrymlivajuć ciažkija apioki.

The giant otter (Pteronura brasiliensis) pic.twitter.com/NIlZz1oSlo

— NatureIsAmazing (@OurNatureRocks) May 31, 2024

Miascovyja balnicy pierapoŭnienyja pacyjentami z reśpiratornymi zachvorvańniami — bolš za ŭsio ad dymu pakutujuć dzieci da piaci hadoŭ i pažyłyja. Ułady sprabujuć tušyć ahoń, ale viecier raździmaje jaho znoŭ, kažuć miascovyja žychary.

U letni siezon daždžoŭ Pantanał nasyčajecca vadoj, a zimoj vysychaje. Adnak klimatyčny kryzis parušyŭ hetuju siezonnaść: sioleta na bałocie vypała mała daždžoŭ, a pažary pačalisia na miesiac raniej.

Z 1985 hoda Pantanał straciŭ užo 68% svajoj płoščy.

Ekśpierty aścierahajucca, što 2024 hod stanie samym razburalnym za apošnija dziesiacihodździ. «Pantanał stanovicca ŭsio bolš suchim. Raniej jaho zataplała na šeść miesiacaŭ, a ciapier — tolki na dva-try», — kaža Hustava Fihiejroa, bijołah z SOS Pantanal.

Bolšaść pažaraŭ na bałocie ŭźnikaje pa vinie čałavieka. Bolš za 90% terytoryi Pantanała znachodzicca ŭ pryvatnaj ułasnaści — i ŭładalniki praciahvajuć padpalvać suchuju raślinnaść, kab rasčyścić ziamlu dla žyvioły.

Tak jany rabili na praciahu stahodździaŭ. Ale kali raniej pažary ŭtrymlivała nazapašanaja ŭ bałocie vada, to zaraz ahoń spyniać niama čamu.

• 1
• 0
• 0
• 0
• 3
• 3
• 2
• 0