Milicyja stralała ŭ dvary minskaha šmatpaviarchovika. Što zdaryłasia?
12 lipienia milicyja atrymała paviedamleńnie, što ŭ dvary šmatpaviarchovika ŭ minskim mikrarajonie Šabany mužčyna z nažom u rukach pahražaje ŭsich zarezać. Na miesca nieadkładna prybyli supracoŭniki Zavodskaha RUUS stalicy, paviedamiła pres-słužba MUS.
![](http://nashaniva.com/img/w732d4webp1/photos/z_2024_07/2024-07-12190048-xp25o.png.webp)
«Jon ciapier kryčyć, jamu zdajecca, što ŭsie hladziać na jaho, i jon kryčyć, što ŭsich zareža. Vielmi ahresiŭna siabie pavodzić. Ja bajusia navat vyjści da jaho», — raskazała maci mužčyny, jakaja i patelefanavała ŭ milicyju.
Paśla prybyćcia na miesca siłaviki zapatrabavali ŭ mužčyny supakoicca i kinuć nož, jaki jon trymaŭ u rukach, na ziamlu. Adnak, pavodle viersii milicejskaj pres-słužby, mužčyna nie pasłuchaŭsia, staŭ razmachvać zbrojaj i nakiravaŭsia ŭ bok milicyjanieraŭ. Paśla taho jany pačali stralać: śpiarša ŭ pavietra, a paśla — pa nahach mužčyny.
Viadoma, što 34-hadovaha minčuka ŭžo nie raz pryciahvali da kryminalnaj adkaznaści, u tym liku za chulihanstva. Taksama, pavodle śćviardžeńnia milicyi, u mužčyny jość i administratyŭki za źjaŭleńnie ŭ hramadskim miescy ŭ stanie ałkaholnaha apjanieńnia.
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
![](http://nashaniva.com/img/w450h300crop1webp1/photos/stock/latushka-efrrk.jpg.webp)
Kamientary