Byłaja siabroŭka Paŭła Durava zajaviła, što maje ad jaho traich dziaciej
Aficyjna ličycca, što zasnavalnik Telegram maje dvuch dziaciej. Ciapier ich kolkaść uzrasła da piaci. Raskazvajem padrabiaznaści.
Pavodle źviestak Forbes, Pavieł Duraŭ źjaŭlajecca baćkam traich dziaciej uradženki Leninhrada Iryny Bołhar, jakaja ciapier žyvie ŭ Šviejcaryi.
Sama žančyna raskazała vydańniu, što jany z Paŭłam (jaki małodšy za jaje na čatyry z pałovaj hady) paznajomiłasia letam 2012 hoda, a praz paŭhoda stali žyć razam. U śniežni 2013-ha ŭ pary naradziłasia dačka Leja, u studzieni 2016 hoda — syn Daniel, a ŭ vieraśni 2017-ha — syn David.
Pa słovach žančyny, nieŭzabavie paśla naradžeńnia małodšaha syna Duraŭ prylataŭ u Rasiju dla taho, kab vyrašyć farmalnaści ź jaho rehistracyjaj. Vydańnie źviartaje ŭvahu, što sam Pavieł śćviardžaje, nibyta ŭ Rasii nie byŭ z 2014 hoda.
Da 2018 hoda Iryna ź dziećmi žyła ŭ Sank-Pieciarburhu, zatym pierajechała da Durava ŭ Dubaj. Ale tam nie atrymałasia lehalizavacca. U vyniku spačatku jana pierabrałasia ŭ Łatviju, a zatym (u 2020-m) u Šviejcaryju.
Bołhar raskazała, što, niahledziačy na toje, što ŭ apošnija hady Duraŭ ź imi nie žyvie, jany razam šmat padarožničajuć.
Vydańnie nahadvaje, što aficyjna ŭ zasnavalnika Telegram dvoje dziaciej ad Darji Bandarenki, ź jakoj jon vučyŭsia na adnym kursie. Heta dačka Alina, što naradziłasia ŭ 2009 hodzie, i syn Michaił (2010). Aboje dziaciej majuć jahonaje proźvišča.
Čamu Iryna Bołhar vyrašyła raskazać pra sumiesnych z Duravym dziaciej tolki letam hetaha hoda? Žančyna śćviardžaje, što zrabiła heta dziela ich samich — dzieci kryŭdziacca, što pra dvaich starejšych u internecie pišuć, a pra ich ničoha niama.
Pa słovach advakataŭ — śpiecyjalistaŭ pa hramadzianskich spravach, ź jakimi razmaŭlali žurnalisty Forbes, pryčynaj mohuć być materyjalnyja pretenzii da Durava z boku Bołhar. Mahčyma, žančyna paprasiła ŭ miljardera bolš hrošaj na dziaciej ci niejkich harantyj dla ich, a jon admoviŭsia.
Sam Duraŭ nijak zajavu Iryny Bołhar nie prakamientavaŭ.
Ciapier čytajuć
Łukašenka patłumačyŭ, čamu jaho nie vidać pa sieradach i subotach18
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary