U Rasii dźvie dziaŭčyny zahinuli padčas kvestu — animatar abliŭ ich hazaj, vypadkova padpaliŭ i ŭciok
U Machačkale zabava skončyłasia trahiedyjaj z-za impravizacyi animatara.
![House of Horrors, Makhachkala Doma žachaŭ, Machačkała Dom užasov, Machačkała](http://nashaniva.com/img/w840d4webp1/photos/z_2024_07/-wgkjx.jpg.webp)
Jak paviedamlaje Baza, trahiedyja ŭ kvest-parku «Dom žachaŭ», što znachodzicca ŭ rasijskaj Machačkale, adbyłasia ŭ noč na 22 lipienia. Supracoŭniki ŭstanovy pryviazvali svaich klijentaŭ da kresłaŭ i sadžali ŭ kletki. A tyja musili vybracca.
19-hadovaja stamatołah-artadont Asijat piać dzion tamu vyjšła zamuž. Razam z 20-hadovym mužam Saidam jany vyrašyli adśviatkavać viasielle ŭ kvest-parku. Dziaŭčyna paklikała za kampaniju siabroŭku, 25-hadovuju Madzinu, a taksam jaje muža.
Pa scenary adnu ź dziaŭčat pryviazali da kresła, na inšuju nadzieli kajdanki.
Padčas šou animatar vyrašyŭ dadać bolš žachu. Dla hetaha jon abliŭ palčatku bienzinam i padpaliŭ. Pa viersii svajakoŭ, jon navat abliŭ dziaŭčynu hazaj, kab macniej napałochać jaje.
Jak paźniej adznačyŭ uładalnik ustanovy — udzielnik zbornaj KVZ Dahiestana Husiejn Ibrahimaŭ, — takija dziejańni nie byli praduhledžany prahramaj i nie byli ŭzhodnieny.
Dalej usio adbyvałasia, jak u filmie «Punkt pryznačeńnia». Pałajučyja kropli bienzinu trapili na provad elektrapiły, jakaja pracavała ŭ pamiaškańni. Piła zaharełasia. Dalej ahoń pierakinuŭsia na taru ź bienzinam. Połymia vielmi chutka achapiła pamiaškańnie, ścieny jakoha byli ababityja drevam.
![Madzina, Aziat, Madina, Asijat Madina, Asiyat](http://nashaniva.com/img/w732d4webp1/photos/z_2024_07/-pc5kt.jpg.webp)
Animatar pabieh nibyta pa dapamohu, ale tak i nie viarnuŭsia.
Tym časam adna ź dziaŭčat sprabavała adviazać svaju siabroŭku — ale marna. Mužčyny pabiehli za vohnietušycielem i sprabavali ź jaho dapamohaj patušyć pažar. U vyniku adzin ź ich — 20-hadovy Said, muž Asijat, mocna abhareŭ.
Dziaŭčat i Saida dastavili ŭ balnicu. Asijat pamierła adrazu paśla špitalizacyi. Madzina pamierła rankam. Chłopiec, jaki atrymaŭ 50% apiokaŭ cieła, zastaŭsia žyvym. Ciapier jon u reanimacyi.
Śledčy kamitet Rasii zavioŭ kryminalnuju spravu za akazańnie pasłuh, jakija nie adpaviadajuć patrabavańniam biaśpieki.
Kamientary
V Dahiestanie . Połnyj bried.