Kab vyvieźci $54 tysiačy ŭ Litvu, biełarus razdaŭ hrošy svaim pasažyram. I atrymaŭ kryminałku
Mytniki ŭ punkcie propusku «Bieniakoni» hety łajfchak nie acanili.
Hramadzianin Biełarusi chacieŭ vyvieźci ŭ Litvu 54 tysiačy dalaraŭ, pry hetym dekłaravać hrošy jon nie zachacieŭ.
Zamiest hetaha biełarus prydumaŭ inšy płan — jon razdaŭ hrošy pasažyram svajho «Opel Vivaro». Kožnamu jon daŭ pa sumie, jakaja nie pieravyšała 10 tysiač dalaraŭ — mienavita stolki možna pravozić praź miažu biez dekłaravańnia, paviedamili ŭ DMK.
Usie pasažyry i kiroŭca pajšli praź zialony kalidor i zajavili, što rečaŭ i hrošaj dla dekłaravańnia ŭ ich niama. Adnak mytniki niešta zapadozryli, praviali dadatkovuju pravierku i raskusili płan mužčyny.
U dačynieńni da kiroŭcy raspačali kryminalnuju spravu za «niezakonnaje pieramiaščeńnie praz mytnuju miažu Jeŭrazijskaha ekanamičnaha sajuza ŭ bujnym pamiery hrošaj abo hrašovych instrumientaŭ».
Sankcyja artykuła — ad štrafu da piaci hadoŭ kałonii.
«Nu dzie ž ja moh sustreć kłasnaha kiraŭnika? U kamiery mahiloŭskaha SIZA! A zatrymali jaho praz naš čat vypusknikoŭ»3
Kamientary