Dyrektarka Sakretnaj słužby ZŠA paśla zamachu na Trampa pajšła ŭ adstaŭku
Kimbierli Čytł, dyrektarka Sakretnaj słužby ZŠA, paśla zamachu na byłoha prezidenta Donalda Trampa idzie ŭ adstaŭku, paviedamlaje «Hołas Amieryki».
![](http://nashaniva.com/img/w840d4webp1/photos/z_2024_07/ap24204534958931-rz3ak.jpg.webp)
Čytł, jakaja zajmała hetuju pasadu sa žniŭnia 2022 hoda, sutyknułasia z rezkaj krytykaj, asabliva za toje, što strałku ŭdałosia tak blizka padyści da Trampa na mitynhu ŭ Piensilvanii.
«Ja całkam biaru na siabie adkaznaść za hety prabieł u biaśpiecy, — napisała Čytł u liście supracoŭnikam. — U śviatle niadaŭnich padziej ja ź ciažkim sercam pryniała ciažkaje rašeńnie pajści ŭ adstaŭku z pasady vašaha dyrektara».
Adstaŭka Čytł adbyłasia na nastupny dzień paśla jaje vystupu pierad Kanhresam, dzie jaje padviarhali krytycy jak demakraty, tak i respublikancy. Jana nazvała zamach na žyćcio Trampa «samym značnym apieratyŭnym pravałam» Sakretnaj słužby ZŠA za apošnija dziesiacihodździ.
Tramp staŭ najstarejšym kandydatam na pasadu prezidenta ZŠA ŭ historyi
Charys zaručyłasia dastatkovaj padtrymkaj dla vyłučeńnia kandydatam u prezidenty
Jak Bajden prymaŭ rašeńnie admovicca ad udziełu ŭ vybarach prezidenta ZŠA. Chronika vychodnych
Borys Džonsan raskazaŭ, u čym źmiest mirnaha płana Donalda Trampa pa Ukrainie
«Ź lohkim vietram» i «Narešcie, bro» — što pišuć Bajdenu ŭ tvitary
Kamientary