Nacyjanalny centr kultury ŭ Varšavie abjaŭlaje konkurs na atrymańnie stypiendyi na paŭhadovy kurs navučańnia ŭ Polščy ŭ miežach stypiendyjalnaj prahramy ministra kultury i nacyjanalnaj spadčyny Respubliki Polšča «Gaude Polonia» na 2025 hod.
Na atrymańnie stypiendyi mohuć pretendavać dziejačy kultury i tvorcy ź Biełarusi, Ukrainy i inšych krain Centralnaj i Uschodniaj Jeŭropy i postsavieckich dziaržaŭ, jakija pradstaŭlajuć nastupnyja śfiery dziejnaści:
- kino (uklučajučy historyju kino i kinakrytyku),
- vyjaŭlenčaje mastactva (uklučajučy fatahrafiju i mastackuju krytyku),
- achova kulturnaj spadčyny (uklučajučy zachavańnie tvoraŭ mastactva i muziejnuju spravu),
- litaratura (uklučajučy pierakład),
- muzyka (uklučajučy historyju i muzyčnuju krytyku),
- teatr (uklučajučy teatralnuju krytyku) i tancy.
Dedłajn — 15 kastryčnika 2024 hoda.
Pry ŭmovy ŭdziełu paviedamlajecca na sajcie instytucyi.
Stypiendyjalnaja prahrama ministra kultury i nacyjanalnaj spadčyny «Gaude Polonia» pryznačana dla maładych dziejačaŭ kultury i pierakładčykaŭ polskaj litaratury ź Biełarusi i Ukrainy, a taksama inšych krain Centralnaj i Uschodniaj Jeŭropy i postsavieckich krain, jakija majuć značny i dakumientavany pasłužny śpis u svaich halinach dziejnaści. Siarod umoŭ atrymańnia stypiendyi — cikavaja kancepcyja prajekta, stanoŭča acenienaja kamisijaj i chacia b kamunikatyŭnaje viedańnie polskaj movy. Polšča na paŭhoda daje mahčymaść zamiežnym stvaralnikam paznajomicca z polskaj kulturaj, realizavać svaje ŭłasnyja prajekty i palepšyć tvorčyja navyki ŭ kulturnych i navukovych ustanovach pad apiekaj pryznanych polskich mastakoŭ, stvaralnikaŭ, navukoŭcaŭ.
Usiu Biełaruś pačali razmaloŭvać prymityŭnymi murałami ad BRSM 7
Kamientary