Aŭtamabilnaja asacyjacyja BAA apublikavała statystyku prodažaŭ novych aŭtamabilaŭ u Biełarusi ŭ lipieni 2024 hoda. Pavodle jaje, miesiačnyja lipieńskija prodažy skłali 4 763 adzinki, što źjaŭlajecca rekordnym pakazčykam za apošnija try hady.
Prodažy lipienia 2024 hoda pieravysili anałahičnyja za minuły hod bolš čym u 2,5 razy, a sumarnyja prodažy 25 071 novych aŭtamabilaŭ za 7 miesiacaŭ hoda ŭžo praktyčna dasiahnuli vynikovych ličbaŭ, atrymanych za ŭvieś 2023 hod, śćviardžaje BAA.
Adnu z pryčyn hetaha ŭ asacyjacyi bačać u tym, što ŭ apošnija miesiacy pačali dziejničać strohija abmiežavańni na ŭvoz aŭtamabilaŭ u Biełaruś z abjomam ruchavika bolš za 1,5 litraŭ, hibrydaŭ i elektramabilaŭ. Tamu
«aficyjnyja dylery BAA imknucca nasycić rynak novymi dastupnymi aŭtamabilami, što ŭžo vidać pa vynikach prodažaŭ apošniaha miesiaca».
Kali tendencyja zachavajecca, to «pry ŭmovie zachavańnia dziejnych u našaj krainie ŭmoŭ dla vytvorčaści i impartu, štomiesiačnyja prodažy novych aŭtamabilaŭ u Biełarusi mohuć dasiahnuć pakazčyka ŭ 9 000 adzinak».
Akramia taho, adznačajecca amal dziesiacirazovy rost prodažaŭ elektramabilaŭ — za 7 miesiacaŭ kolkaść pradadzienych elektrakaraŭ skłała 1261 štuk. Na heta ŭpłyvaje akramia inšaha najaŭnaść u prapanovach aficyjnych dyleraŭ madelaŭ elektramabilaŭ z pavialičanym zapasam chodu.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary