Kraina pravodzić paskoranuju madernizacyju Uzbrojenych sił paśla ŭvarvańnia Rasii va Ukrainu.
Polšča padpisała pahadnieńnie ab zakupcy ŭ ZŠA sotniaŭ rakiet «pavietra — pavietra», paviedamiła ŭ piatnicu Nacyjanalnaje ahienctva ŭzbrajeńniaŭ.
Rakiety AIM-120C AMRAAM dla źniščalnikaŭ polskich VPS buduć pastaŭlenyja ŭ pieryjad z 2029 pa 2033 hod, paviedamiła ahienctva ŭ sacyjalnaj sietcy Ch.
Uschodniejeŭrapiejskaja kraina paskoryła madernizacyju svaich uzbrojenych sił paśla ŭvarvańnia Rasii ŭ susiedniuju Ukrainu ŭ 2022 hodzie. Košt hetaha kantraktu składaje 855 miljonaŭ dalaraŭ, piša «Hołas Amieryki».
VPS Polščy ŭžo mohuć pachvalicca pieradavym amierykanskim źniščalnikam F-16. Sioleta kraina nakiruje na patreby abarony bolš za 4% ad VUP — udvaja bolš za metavy pakazčyk NATO.
Varšava ŭžo padpisała šerah pahadnieńniaŭ ab pastaŭkach uzbrajeńniaŭ, hałoŭnym čynam z ZŠA i Paŭdniovaj Karejaj.
Pavodle polskich ŚMI, Varšava i Vašynhton u aŭtorak padpišuć pahadnieńnie ab zakupcy 96 bajavych viertalotaŭ AH-64E Apache koštam bolš za 9 miljardaŭ dalaraŭ.
Vašynhton jašče letaś uchvaliŭ pahadnieńnie, jakoje dazvolić Polščy zamianić jaje sastareły park savieckich viertalotaŭ Mi-24.
Na hetym tydni ministr abarony Polščy taksama abviaściŭ pra padpisańnie pahadnieńnia ab zakupcy 48 rakietnych ustanovak Patriot amierykanskaj vytvorčaści.
Siarhieju Dubaŭcu — 65. Pahutaryli pra novyja knihi, dražnieńnie Łukašenki, biznes na Zanzibary i samy ščaślivy čas11
Kamientary