Słužba źniešniaj raźviedki Ukrainy zaklikała ŭkraincaŭ ustrymacca ad pajezdak u Biełaruś
Na fonie apošnich padziej ź nibyta źbitymi nad Biełaruśsiu ŭkrainskimi BPŁA Słužba źniešniaj raźviedki Ukrainy zaklikała suhramadzian pa mahčymaści admovicca ad pajezdak u Biełaruś.
![](http://nashaniva.com/img/w840d4webp1/photos/z_2024_07/belp40717-b6ist.jpg.webp)
U paviedamleńni SZR havorycca, što ŭ RB ryzyki dla hramadzian Ukrainy majuć mienšy maštab, čym u Rasii, ale znachodžańnie tam usio roŭna moža pahražać žyćciu i biaśpiecy ŭkraincaŭ.
U Biełaruś nielha zajechać praz ukrainskuju miažu. Ale heta možna zrabić, pierasiakajučy miežy inšych dziaržaŭ, susiednich z respublikaj.
U SZR pišuć, jakija pahrozy tam jość.
1. Filtracyjnyja mierapryjemstvy pa prybyćci (apytańnie ab metach pajezdki, asabistych danych, palityčnych pohladach i inš.);
2. Vymańnie telefonaŭ dla ich pravierki, analizu (ich padłučajuć da śpiecyjalizavanaha softu, dziakujučy čamu sa smartfonaŭ vypampujuć infarmacyju, u tym liku ź miesiendžaraŭ Telegram, Signal i WhatsApp, heta tyčycca i vydalenych dyjałohaŭ i paviedamleńniaŭ).
Na hetym etapie hramadzian Ukrainy mohuć zatrymać, pakolki biełaruski bok moža pa-roznamu traktavać infarmacyju, atrymanuju z hadžetaŭ.
3. Ryzyka departacyi abo kryminalnaha abvinavačańnia pa artykule ab «ekstremiźmie».
«Pamiatajcie, što, prymajučy rašeńnie ab pajezdcy na terytoryju Biełarusi, vašy pravy mohuć być parušany ŭ luby momant», — zaklučaje SVR.
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kamientary