Служба знешняй разведкі Украіны заклікала ўкраінцаў устрымацца ад паездак у Беларусь
На фоне апошніх падзей з нібыта збітымі над Беларуссю ўкраінскімі БПЛА Служба знешняй разведкі Украіны заклікала суграмадзян па магчымасці адмовіцца ад паездак у Беларусь.
У паведамленні СЗР гаворыцца, што ў РБ рызыкі для грамадзян Украіны маюць меншы маштаб, чым у Расіі, але знаходжанне там усё роўна можа пагражаць жыццю і бяспецы ўкраінцаў.
У Беларусь нельга заехаць праз украінскую мяжу. Але гэта можна зрабіць, перасякаючы межы іншых дзяржаў, суседніх з рэспублікай.
У СЗР пішуць, якія пагрозы там ёсць.
1. Фільтрацыйныя мерапрыемствы па прыбыцці (апытанне аб мэтах паездкі, асабістых даных, палітычных поглядах і інш.);
2. Выманне тэлефонаў для іх праверкі, аналізу (іх падлучаюць да спецыялізаванага софту, дзякуючы чаму са смартфонаў выпампуюць інфармацыю, у тым ліку з месенджараў Telegram, Signal і WhatsApp, гэта тычыцца і выдаленых дыялогаў і паведамленняў).
На гэтым этапе грамадзян Украіны могуць затрымаць, паколькі беларускі бок можа па-рознаму трактаваць інфармацыю, атрыманую з гаджэтаў.
3. Рызыка дэпартацыі або крымінальнага абвінавачання па артыкуле аб «экстрэмізме».
«Памятайце, што, прымаючы рашэнне аб паездцы на тэрыторыю Беларусі, вашы правы могуць быць парушаны ў любы момант», — заключае СВР.
-
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю
-
Пасол Украіны па пытаннях Беларусі: «Пазіцыя Ціханоўскай дакладна не пацыфісцкая»
-
Ці могуць мінскія школьнікі бясплатна карыстацца грамадскім транспартам падчас летніх канікул?
Каментары