«My nie majem prava kazać ludziam, jak mienavita jany pavinny akazvacca na voli». Cichanoŭskaja prakamientavała pamiłavańnie palitviaźniaŭ
Lidarka biełaruskich demakratyčnych siłaŭ Śviatłana Cichanoŭskaja vydała zajavu z nahody siońniašniaha ŭkaza Łukašenki, u jakim abjaŭlena pra pamiłavańnie 30 palitźniavolenych, jakija ŭtrymlivajucca ŭ biełaruskich turmach.
«Ja vielmi radaja vyzvaleńniu šeraha palitviaźniaŭ. Ja radaja, što siemji narešcie ŭźjadnajucca — i ŭ tych, chto nie bačyŭ adno adnaho tydniami, miesiacami i hadami, narešcie źjavicca mahčymaść abniacca i parazmaŭlać.
Ludzi vychodziać roznymi šlachami, i dla mnohich heta vielmi składany šlach vykanańnia ŭmovaŭ, na jakija ciažka iści.
Tamu ja zaklikaju ŭsich, chto čuje mianie, nie davać anijakich acenak hetamu vybaru. My nie majem prava kazać ludziam, jak mienavita jany pavinny akazvacca na voli.
I ja chaču skazać kožnamu palitviaźniu: samaje hałoŭnaje — heta vašaja svaboda i žyćcio, i heta vaš vybar, jak vy pryjdziecie da hetaha. Nichto nie maje prava vyrašać heta za vas.
Realnaść takaja, što zatrymańni ŭ Biełarusi praciahvajucca — i kolkaść palitviaźniaŭ raście. Bolš za 1400 čałaviek pa-raniejšamu znachodziacca za kratami pa palityčna matyvavanych spravach. I jość tyja, chto prymie rašeńnie nie pahadžacca na ŭmovy, a taksama tyja, kamu ich nikoli nie prapanujuć.
Tamu my praciahniem być ichnimi hałasami i rabić usio, što ŭ našych siłach, kab kožny z hetych ludziej jak maha chutčej apynuŭsia na voli», — zajaviła Śviatłana Cichanoŭskaja.
Viačorka: Siarod pamiłavanych siońnia palitviaźniaŭ jość užo vyzvalenyja raniej
Łukašenka padpisaŭ ukaz ab pamiłavańni 30 palitźniavolenych
Pravaabaroncy paviedamlajuć pra druhuju chvalu vyzvaleńnia palitviaźniaŭ
«Handal ludźmi? Palitźniavolenyja sami prosiać, kab niechta ich užo kupiŭ». Manałoh Jaŭhienii Doŭhaj
Palitviaźniam, u jakich zakančvajucca terminy, prapanavali napisać prašeńni ab pamiłavańni
Dar‘ia Łosik vyjšła na svabodu pa pamiłavańni
Kamientary