«Мы не маем права казаць людзям, як менавіта яны павінны аказвацца на волі». Ціханоўская пракаментавала памілаванне палітвязняў
Лідарка беларускіх дэмакратычных сілаў Святлана Ціханоўская выдала заяву з нагоды сённяшняга ўказа Лукашэнкі, у якім аб'яўлена пра памілаванне 30 палітзняволеных, якія ўтрымліваюцца ў беларускіх турмах.
«Я вельмі радая вызваленню шэрага палітвязняў. Я радая, што сем'і нарэшце ўз'яднаюцца — і ў тых, хто не бачыў адно аднаго тыднямі, месяцамі і гадамі, нарэшце з'явіцца магчымасць абняцца і паразмаўляць.
Людзі выходзяць рознымі шляхамі, і для многіх гэта вельмі складаны шлях выканання ўмоваў, на якія цяжка ісці.
Таму я заклікаю ўсіх, хто чуе мяне, не даваць аніякіх ацэнак гэтаму выбару. Мы не маем права казаць людзям, як менавіта яны павінны аказвацца на волі.
І я хачу сказаць кожнаму палітвязню: самае галоўнае — гэта вашая свабода і жыццё, і гэта ваш выбар, як вы прыйдзеце да гэтага. Ніхто не мае права вырашаць гэта за вас.
Рэальнасць такая, што затрыманні ў Беларусі працягваюцца — і колькасць палітвязняў расце. Больш за 1400 чалавек па-ранейшаму знаходзяцца за кратамі па палітычна матываваных справах. І ёсць тыя, хто прыме рашэнне не пагаджацца на ўмовы, а таксама тыя, каму іх ніколі не прапануюць.
Таму мы працягнем быць іхнімі галасамі і рабіць усё, што ў нашых сілах, каб кожны з гэтых людзей як мага хутчэй апынуўся на волі», — заявіла Святлана Ціханоўская.
Вячорка: Сярод памілаваных сёння палітвязняў ёсць ужо вызваленыя раней
Лукашэнка падпісаў указ аб памілаванні 30 палітзняволеных
Праваабаронцы паведамляюць пра другую хвалю вызвалення палітвязняў
«Гандаль людзьмі? Палітзняволеныя самі просяць, каб нехта іх ужо купіў». Маналог Яўгеніі Доўгай
Палітвязням, у якіх заканчваюцца тэрміны, прапанавалі напісаць прашэнні аб памілаванні
Дар‘я Лосік выйшла на свабоду па памілаванні
Каментары