Pasažyr raptam saskočyŭ z matacykła, kali toj vyjechaŭ na sustrečku VIDEA
Videa, źniataje z aŭtamabilnaha rehistratara, na jakim dva čałavieki na matacykle akazalisia ŭ niebiaśpiečnaj situacyi.
Na kadrach vidać, jak matacykł vyjazdžaje na sustrečnuju pałasu, dzie ŭ hety momant znachodzilisia aŭtamabili. Raptam pasažyr vyrašajecca na adčajny ŭčynak — jon saskokvaje z matacykła na chadu, padaje na travu, kulajecca i cudam zastajecca na nahach, paźbiehnuŭšy traŭmaŭ, paviedamlaje Onliner.
Kiroŭca matacykła tym časam chutka zaryjentavaŭsia, rezka paviarnuŭ naleva, kab adyści ad aŭtamabilaŭ, i spyniŭsia, čakajučy svajho spadarožnika. Incydent, niahledziačy na svaju niebiaśpieku, skončyŭsia biez surjoznych nastupstvaŭ. Vyhladaŭ taki manieŭr vielmi niebiaśpiečna.
— Usio adbyłosia 16 žniŭnia ŭ Mastach na praśpiekcie Miru. Pasažyr chutčej śpiecyjalna skača, a nie padaje. Vidać, jak jon adšturchvajecca, a kiroŭca jaho čakaje potym. Sumka palacieła na dreva pry skačku. Kiroŭca jechaŭ za mašynaj, i vidać, što jon metanakiravana išoŭ na abhon pa sustrečnaj, — raspaviadaje śviedka.
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?5
Kamientary