Dazvoł Ukrainie zapuskać brytanskija rakiety Storm Shadow pa Rasii błakujuć ZŠA
Złučanyja Štaty bolš za miesiac nie adkazvajuć na zapyt Vialikabrytanii ab dazvole Ukrainie vykarystoŭvać rakiety Storm Shadow dla ŭdaraŭ pa terytoryi Rasii. Pra heta piša brytanskaje vydańnie The Times sa spasyłkaj na krynicu va ŭradzie Vialikabrytanii.
![](http://nashaniva.com/img/w840d4webp1/photos/z_2024_08/ap22355722691420-kn932.jpg.webp)
«Vašynhton faktyčna błakuje dazvoł Vialikabrytanii Kijevu zapuskać rakiety Storm Shadow pa terytoryi Rasii na fonie bojazi administracyi Bajdena vyklikać eskałacyju vajny va Ukrainie», — piša vydańnie.
Adznačajecca, što Vialikabrytanija čakaje ŭchvaleńnia ZŠA, pierš čym dać Ukrainie «zialonaje śviatło». Adnak zapyt pastupiŭ u sistemu bolš za miesiac tamu, a čynoŭniki ŭsio jašče čakajuć, paviedamiła krynica va ŭradzie Vialikabrytanii.
Druhaja krynica va ŭradzie Vialikabrytanii paćvierdziła, što «ŭsio jašče praciahvajucca dyskusii adnosna Storm Shadow z sajuźnikami», a treciaja krynica ŭ śfiery abarony nazvała heta «rucinnym pracesam ZŠA».
Jak piša vydańnie, choć Vialikabrytanija sama choča dać Ukrainie svabodu rabić toje, što jana choča, sa zbrojaj dalokaha radyusu dziejańnia, dla hetaha patrebien kansensus sajuźnikaŭ, uklučajučy ZŠA, Francyju i treciuju krainu NATA, jakaja nie nazyvajecca.
Krynica va ŭradzie padkreśliła, što Złučanaje Karaleŭstva nie abvinavačvaje ZŠA ŭ jakoj-niebudź zatrymcy, dadaŭšy, što takija źmieny palityki patrabujuć času.
Raniej namieśnica pradstaŭnika Ministerstva abarony ZŠA Sabryna Sinhch pryznała padčas bryfinhu ŭ čaćvier, što ZŠA «zaniepakojenyja eskałacyjaj», kali havorka idzie pra vykarystańnie Ukrainaj udaraŭ na vialikaj adlehłaści. Jana taksama vykazała zdahadku, što dla vyzvaleńnia Ukrainy nie patrebnaja zbroja dalokaha dziejańnia.
Jak piša vydańnie, adna z teoryj brytanskich vajskoŭcaŭ palahaje ŭ tym, što ZŠA, mahčyma, čakajuć acenki ŭpłyvu abo nastupstvaŭ ukrainskaj apieracyi ŭ Rasii, pierš čym prymać rašeńnie.
Člen kamiteta pa pytańniach abarony Ukrainy raskazaŭ The Times, što Ukraina była vymušanaja pravieści svaju transhraničnuju apieracyju ŭ Kursku praz admovu Zachadu dazvolić Kijevu vykarystoŭvać kryłatyja rakiety vialikaj dalokaści pa celach u Rasii.
Prezident Ukrainy Uładzimir Zialenski nieadnarazova prasiŭ dazvołu vykarystoŭvać pieradadzienyja ZŠA rakiety ATACMS i brytanskija Storm Shadow dla ŭdaraŭ pa celach u hłybini Rasii, ale kožny raz atrymlivaŭ admovu z-za bojazi, što heta moža pryvieści da eskałacyi kanfliktu.
U traŭni Zialenski ŭ razmovie z The Guardian vykazaŭ zdahadku, što na samaj spravie Daŭninh-stryt čakaje ŭchvaleńnia amierykancaŭ. Pavodle jaho słoŭ, kančatkovaje rašeńnie Vialikabrytanii i inšych partnioraŭ zaležyć ad «kansensusu», pryčym pazicyja Vašynhtona źjaŭlajecca vyrašalnaj.
«Nam z Pucinym navat niazručna pra heta kazać». Łukašenka raskazaŭ, ci prymienić jadziernuju zbroju
USU ŭzarvali asnoŭny most cieraź Siejm u Kurskaj vobłaści, adrazajučy rasijskija vojski
Nastup Ukrainy ŭ Kurskaj vobłaści sarvaŭ tajemnyja pieramovy z Rasijaj ab častkovym spynieńni ahniu — WP
Źjaviŭsia śpis krain, jakich Rasija ličyła patencyjnymi celami dla jadziernaha ŭdaru. Tam jość i Kitaj, i Iran
Kamientary